കൊച്ചി: കേരള ലത്തീൻ സഭയുടെ ഉന്നത നയരൂപവത്കരണ സമിതിയായ കേരള റീജൻ ലാറ്റിൻ കാത്തലിക് കൗൺസിലിെൻറ (കെ.ആർ.എൽ.സി.സി) 31ാം ജനറൽ അസംബ്ലി 13, 14 തീയതികളിൽ തിരുവനന്തപുരം വഴുതക്കാട് കാർമൽ ഗേൾസ് ഹയർ സെക്കൻഡറി സ്കൂളിൽ നടക്കും. 13ന് രാവിലെ 10.30ന് കേന്ദ്രമന്ത്രി അൽഫോൻസ് കണ്ണന്താനം ഉദ്ഘാടനം ചെയ്യും. കെ.ആർ.എൽ.സി.സി പ്രസിഡൻറ് ആർച്ബിഷപ് ഡോ. എം. സൂസപാക്യം അധ്യക്ഷത വഹിക്കും. 14ന് ഓഖി ദുരന്തത്തിെൻറ അനുസ്മരണവും പ്രാർഥനയും നടക്കും. രാവിലെ 7 മുതൽ 12 വരെ തിരുവനന്തപുരം അതിരൂപതയിൽ ഓഖി ചുഴലിക്കാറ്റിൽ വേദനയനുഭവിക്കുന്ന ഇടവകകളിൽ ദിവ്യബലിയും 'കൂടെയുണ്ട് ഞങ്ങൾ' എന്ന പേരിൽ ഭവനസന്ദർശനവും നടക്കും. 3.30ന് അനുസ്മരണ സമ്മേളനം സി.ബി.സി.ഐ പ്രസിഡൻറ് കർദിനാൾ ബസേലിയോസ് മാർ ക്ലീമിസ് കാതോലിക്ക ബാവ ഉദ്ഘാടനം ചെയ്യും. സമ്മേളന നഗറിൽ തിരുവനന്തപുരം പ്രസ് ഫോട്ടോഗ്രാഫേഴ്സ് ഫോറം തയാറാക്കിയ ഓഖി ദുരന്ത ഫോട്ടോ പ്രദർശനവും സംഘടിപ്പിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.