കൊച്ചി: പാലാരിവട്ടം എസ്.എന്‍ ജങ്ഷനിലെ ഫര്‍ണിച്ചര്‍ കട കുത്തിത്തുറന്ന് പണം മോഷ്ടിച്ചയാൾ അറസ്റ്റിലായി. നേപ്പാള്‍ സ്വദേശി മഹേഷ് കുമാറിനെയാണ് പാലാരിവട്ടം െപാലീസ് അറസ്റ്റ് ചെയ്തത്. പകല്‍ കറങ്ങി നടന്ന് കടകള്‍ നിരീക്ഷിച്ചശേഷം രാത്രിയില്‍ കമ്പിപ്പാര ഉപയോഗിച്ച് പിന്നിലെ വാതില്‍ കുത്തിത്തുറന്ന് മോഷണം നടത്തുന്നതാണ് പ്രതിയുടെ രീതിയെന്ന് െപാലീസ് പറഞ്ഞു. കൊച്ചി നഗരത്തിലും പരിസരങ്ങളിലും നടന്ന സമാന മോഷണക്കേസുകളിലും പ്രതിയുടെ പങ്കിനെക്കുറിച്ച് അന്വേഷിക്കുന്നതായി െപാലീസ് അറിയിച്ചു. എറണാകുളം അസി.കമീഷണര്‍ കെ. ലാല്‍ജിക്ക് കിട്ടിയ രഹസ്യവിവരത്തിെൻറ അടിസ്ഥാനത്തില്‍ ടൗണ്‍ നോര്‍ത്ത് സി.െഎ കെ.ജെ. പീറ്ററിെൻറ നേതൃത്വത്തില്‍ നടത്തിയ തിരച്ചിലിലാണ് പിടികൂടിയത്. എ.എസ്.ഐ അജി, സിവില്‍ െപാലീസ് ഓഫിസര്‍മാരായ റഫീഖ്, ശ്രീനി, ഷിബു, സി. ആല്‍ബര്‍ട്ട് എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.