നടക്കാവ്-പിറവം റോഡിലെ കുഴികൾ അടച്ചു പിറവം: ഗതാഗതത്തിരക്കുള്ള പിറവം-നടക്കാവ് റോഡിൽ അപകടകരമായി രൂപപ്പെട്ടിരുന്ന കുഴികൾ അടച്ചു. പാഴൂർ-പുതുക്കുളം കുടിവെള്ള പൈപ്പ് കടന്നുപോകുന്നതിനാൽ അമ്പലപ്പടി മുതൽ പേപ്പതി വരെ റോഡ് തകരുകയാണ്. പൈപ്പിലുണ്ടാകുന്ന തുടർച്ചയായ ചോർച്ചകൾ ഗതാഗതത്തിനും റോഡിെൻറ ആയുസ്സിനും കടുത്ത ഭീഷണിയാണ്. മാമലക്കവല കുടിലിൽ വളവിൽ ഭാഗത്ത് ഗതാഗതം ദുഷ്കരമായ വലിയ കുഴികൾ പൊതുമരാമത്ത് അധികൃതർ അടക്കാത്തതിനാൽ നഗരസഭ കൗൺസിലർ ബെന്നി വി. വർഗീസിെൻറ നേതൃത്വത്തിൽ നാട്ടുകാർ താൽക്കാലികമായി അടക്കുകയായിരുന്നു. പൗലോസ് കളരിക്കൽ, ധനുസ്സ് ദേവദാസ്, വി.സി. ബാബു, ഹരീഷ് പുഴമംഗലത്ത് എന്നിവർ നേതൃത്വം നൽകി. പാഴൂർ-പേപ്പതി റീച്ചിലെ കാലഹരണപ്പെട്ട പൈപ്പുകൾ മാറ്റാൻ 47 ലക്ഷം രൂപയുടെ എസ്റ്റിമേറ്റ് അടക്കമുള്ള നിവേദനം മന്ത്രി മാത്യു ടി. തോമസിന് നൽകുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.