ന്യൂഡൽഹി: കേരളത്തിലെ ജില്ല, സെഷൻസ് ജഡ്ജിമാരുടെ നിയമനം ചോദ്യംചെയ്ത് സമർപ്പിച്ച ഹരജി ഭരണഘടനബെഞ്ചിലേക്ക്. കേസിൽ ഇതുവരെ വാദം കേട്ട ജസ്റ്റിസുമാരായ കുര്യൻ ജോസഫ്, ആർ. ഭാനുമതി എന്നിവരടങ്ങുന്ന ബെഞ്ചാണ് ഹരജി ഭരണഘടനബെഞ്ചിന് വിട്ട് ഉത്തരവിറക്കിയത്. എഴുത്തുപരീക്ഷയും വൈവവോസിയും അടങ്ങുന്ന സെലക്ഷൻ പ്രക്രിയയിൽ രണ്ടിനും കിട്ടിയ മാർക്ക് മൊത്തമായി പരിഗണിച്ച് റാങ്ക്പട്ടിക തയാറാക്കണമെന്നാണ് ഹരജിക്കാരുടെ ആവശ്യം. എന്നാൽ, ഹൈകോടതി വൈവക്ക് 50ശതമാനം മിനിമം മാർക്ക് നിർബന്ധമാക്കിയെന്നും ഇത് അംഗീകരിക്കരുതെന്നും ഹരജിക്കാർ ആവശ്യപ്പെട്ടു. സമാനമായ കേസ് ഭരണഘടനബെഞ്ചിന് വിട്ടുവെന്ന് വാദം കേൾക്കലിനിടയിൽ കോടതി നിരീക്ഷിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.