ചേര്‍ത്തല: വീട്ടുവളപ്പിലെ കുളത്തില്‍വീണ മക്കളെയും അവരെ രക്ഷിക്കാനിറങ്ങിയ ഭര്‍തൃ മാതാവിനെയും രക്ഷിക്കാൻ ശ്രമിച്ച വീട്ടമ്മ മുങ്ങിമരിച്ചു. ചേര്‍ത്തല നഗരസഭ 22-ാം വാര്‍ഡില്‍ കരുവ മേവല്ലൂര്‍ വീട്ടില്‍ എം.ടി. പുരുഷോത്തമെൻറ (വേണു) ഭാര്യ സതിയാണ് (42) മരിച്ചത്. ഞായറാഴ്ച ഉച്ചക്ക് 12.45ന് വീട്ടുവളപ്പിലെ കുളത്തില്‍ കുളിക്കാനിറങ്ങിയ മൂത്ത മകള്‍ അര്‍ച്ചനയാണ് ആദ്യം വെള്ളത്തില്‍ താഴ്ന്നത്. ഒപ്പം കുളിക്കാനിറങ്ങിയ അനുജത്തി ആര്‍ച്ചയുടെ കരച്ചില്‍കേട്ട് രക്ഷിക്കാനിറങ്ങിയ മുത്തശ്ശി സരസ്വതിയമ്മയും (82) വെള്ളത്തില്‍ അകപ്പെട്ടു. ആര്‍ച്ചയും വെള്ളത്തിലായി. മൂവരെയും രക്ഷിക്കാന്‍ കുളത്തിലേക്ക് ചാടിയ സതി മുങ്ങിത്താഴുകയായിരുന്നു. ആര്‍ച്ചയുടെ കരച്ചില്‍കേട്ട് പരിസരവാസികൾ ഓടിയെത്തി മൂവരെയും കരക്കെത്തിച്ചു. അവശയായ സതിയെ താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. സംസ്‌കാരം തിങ്കളാഴ്ച 11ന് വീട്ടുവളപ്പില്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.