ചെങ്ങന്നൂർ: കരസേനയുടെ ട്രക്ക് ബൈക്കിലിടിച്ച് മലയാളി മിലിട്ടറി ഉദ്യോഗസ്ഥൻ രാജസ്ഥാനിൽ മരിച്ചു. തിരുവൻവണ്ടൂർ ഉണ്ടാംപറമ്പിൽ റോഷ്നി വില്ലയിൽ കേണൽ പ്രമോദ് നൈനാെൻറ മകൻ ഇഷാൻ ജോൺ നൈനാൻ (25) ആണ് വാഹനാപകടത്തിൽ മരിച്ചത്. രാജസ്ഥാൻ ബിക്കാനിർ 91 ഫീൽഡ് റെജിമെൻറിലെ പട്ടാളക്കാരനായിരുന്നു. ശനിയാഴ്ച വൈകീട്ട് 5.30 ഒാടെയായിരുന്നു അപകടം. ഡ്യൂട്ടിക്ക് ശേഷം ബൈക്കിൽ ജിംനേഷ്യത്തിലേക്ക് പോകവേ എതിരെ വന്ന മിലിട്ടറിയുടെ ട്രക്ക് ഇടിക്കുകയായിരുന്നു. ഉടൻ ആശുപത്രിയിലെത്തിച്ചെങ്കിലും 7.30ഒാടെ മരിച്ചു. അവിവാഹിതനാണ്. മൃതദേഹം തിങ്കളാഴ്ച വൈകീട്ട് ആറോടുകൂടി ജന്മനാട്ടിൽ എത്തിക്കും. മാതാവ്: സിമ്മി പ്രമോദ്. സഹോദരൻ: ജറിൾ (എം.ബി.എ), പരേതനായ ലഫ്റ്റനൻറ് കമാൻഡർ തോമസ് നൈനാെൻറയും ഗ്രേസി നൈനാെൻറയും പൗത്രനാണ്. സംസ്കാരം ചൊവ്വാഴ്ച രാവിലെ 11ന് പൂർണ ഔദ്യോഗിക ബഹുമതികളോടെ തിരുവൻവണ്ടൂർ സെൻറ് ജോർജ് ഓർത്തഡോക്സ് പള്ളി സെമിത്തേരിയിൽ നടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.