ക്രിസ്മസ് -പുതുവത്സര ആഘോഷം എടത്തല: എടത്തല എൻ. മുസ്തഫ സാഹിബ് മെമ്മോറിയൽ എം.ഇ.എസ് സ്പെഷൽ സ്കൂളിൽ ക്രിസ്മസ് -പുതുവത്സര ആഘോഷം വാഴക്കുളം ബ്ലോക്ക് പഞ്ചായത്ത് പ്രസിഡൻറ് മുംതാസ് ഉദ്ഘാടനം ചെയ്തു. പി.ടി.എ പ്രസിഡൻറ് ഇ.വി. സുധീശൻ അധ്യക്ഷത വഹിച്ചു. എം.ഇ.എസ് സംസ്ഥാന സെക്രട്ടറി എം. അലി മുഖ്യ പ്രഭാഷണം നിർവഹിച്ചു. സ്കൂൾ മാനേജ്മെൻറ് സെക്രട്ടറി കെ.എം. ഷംസുദ്ദീൻ, ജോ. സെക്രട്ടറിമാരായ പി.കെ.എ. ജബ്ബാർ, പി.കെ. അലി, എടത്തല പൊലീസ് സ്റ്റേഷൻ എ.എസ്.ഐമാരായ ഇന്ദുചൂഡൻ, പുഷ്പരാജ്, ഹെഡ് കോൺസ്റ്റബിൾ റോയ് എന്നിവർ സംസാരിച്ചു. പ്രത്യാശ കൗൺസലിങ് സെൻറർ ഡയറക്ടർ വർക്കിയച്ചൻ പി. മേനാച്ചേരി സന്ദേശം നൽകി. വാർഡ് അംഗം സി.എം. അഷറഫ് സമ്മാനദാനം നിർവഹിച്ചു. പ്രിൻസിപ്പൽ പി.എ. ഷംല സ്വാഗതവും സ്റ്റാഫ് സെക്രട്ടറി ജെസി ജോസഫ് നന്ദിയും പറഞ്ഞു. വിദ്യാർഥികൾ കലാപരിപാടികൾ അവതരിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.