മട്ടാഞ്ചേരി: പാചക വാതക സിലിണ്ടറിൽ ചോർച്ചയുണ്ടായത് വീട്ടുകാരെ പരിഭ്രാന്തരാക്കി. ഇടക്കൊച്ചി എ.വി.ടി റോഡിൽ ചൂളക്കൽ മേരി ആൻറണിയുടെ വീട്ടിൽ ഏതാനും ദിവസം മുമ്പ് കൊണ്ടുവന്ന പൊട്ടിക്കാത്ത സിലിണ്ടറിൽ ബുധനാഴ്ച രാവിലെയാണ് ചോർച്ച കണ്ടത്. സിലിണ്ടറിെൻറ മുകൾഭാഗത്ത് ഉണ്ടായ ദ്വാരത്തിലൂടെയാണ് ഗ്യാസ് ചോർന്നത്. വീട്ടുകാർ ഉടൻ സിലിണ്ടർ പുറത്തെടുത്ത് വെച്ച് അഗ്്നിശമന സേനയെ അറിയിക്കുകയായിരുന്നു. മട്ടാഞ്ചേരി ഫയർസ്റ്റേഷനിൽനിന്ന് സ്റ്റേഷൻ ഇൻ ചാർജ് അനിൽകുമാറിെൻറ നേതൃത്വത്തിലുള്ള ഫയർ യൂനിറ്റ് എത്തി ഗ്യാസ് നിർവീര്യമാക്കി. സിലിണ്ടർ കാലപ്പഴക്കമുള്ളതായിരുെന്നന്ന് ഫയർസ്റ്റേഷൻ അധികൃതർ പറഞ്ഞു. ഇൻഡേൻ കമ്പനിയുടെ ഗ്യാസ് സിലിണ്ടറിലാണ് ചോർച്ച. കമ്പനിക്കാരെ വിവരമറിയിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.