നേത്ര-ദന്ത പരിശോധന ക്യാമ്പ് നെട്ടൂർ: ബി.ജെ.പി നെട്ടൂർ ഏരിയ കമ്മിറ്റിയുടെയും മിത്ര ഈക്വൽ ഓപ്പർച്യൂനിറ്റീസ് ട്രസ്റ്റിെൻറയും ആഭിമുഖ്യത്തിൽ നെട്ടൂർ അറക്കൽ മഹാകാളി ക്ഷേത്രം ഹാളിൽ സൗജന്യ നേത്ര -ദന്ത പരിശോധന ക്യാമ്പ് നടത്തി. എറണാകുളം ഗിരിധർ കണ്ണാശുപത്രി, ഇന്ത്യൻ ഡെൻറൽ അസോസിയേഷൻ വനിത വിഭാഗം കൊച്ചിൻ ബ്രാഞ്ച് എന്നിവയിലെ 14 ഡോക്ടർമാർ ക്യാമ്പിൽ പരിശോധിച്ചു. യു. മധുസൂദനൻ ഉദ്ഘാടനം ചെയ്തു. പത്മജ എസ്.മേനോൻ മുഖ്യപ്രഭാഷണം നടത്തി. സുബീഷ് കെ.എസ്., വി.ജി. അനിൽകുമാർ, ടി.എ. കൃഷ്ണൻ, ബാബു തണ്ടാശ്ശേരി, ഇ.ബി. സുദർശൻ, എം.കെ. സുരേഷ്കുമാർ, കെ. അഭിലാഷ്, കെ.ജി. സുരേന്ദ്രൻ തുടങ്ങിയവർ നേതൃത്വം നൽകി. നടുറോഡിൽ ലോറി: അപകട ഭീഷണി കുമ്പളം: ദേശീയപാത കുമ്പളം ടോൾ പ്ലാസക്ക് സമീപം നടുറോഡിൽ ലോറി ബ്രേക്ക് ഡൗണായി കിടക്കുന്നത് അപകട ഭീഷണി ഉയർത്തുന്നു. വൈറ്റില ഭാഗത്തേക്ക് പോകുന്ന ദിശയിൽ അമിതഭാരം കയറ്റിയ തടിലോറിയാണ് പണിമുടക്കി കിടക്കുന്നത്. ശനിയാഴ്ച രാത്രി മുതലാണ് നടുറോഡിൽ ലോറി കിടക്കുന്നത്. എൻജിൻ തകരാറാണ് കാരണം. അരൂരിൽ റോഡ് പണിമൂലം ഗതാഗത തടസ്സവുമുണ്ട്. ഇത് കുമ്പളത്തും ഗതാഗത തടസ്സമുണ്ടാക്കുന്നു. ഇതിനിടെ ലോറി റോഡിൽ കടക്കുന്നത് കൂടുതൽ കുരുക്കിനിടയാക്കുന്നതായാണ് പരാതി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.