പെരുമ്പാവൂർ: പൊട്ടിപ്പൊളിഞ്ഞ് അപകടാവസ്ഥയിലായ തോട്ടപ്പാടൻപടി-ശാലേം റോഡ് നന്നാക്കാത്തതിൽ പ്രതിഷേധിച്ച് കുറ്റിപ്പാടം ഭാഗത്തെ വീട്ടമ്മമാർ പൊതുമരാമത്ത് അസി. എൻജിനീയറെ ഉപരോധിച്ചു. മനുഷ്യാവകാശ കമീഷെൻറ ഉൾപ്പെടെ ഉത്തരവുണ്ടായിട്ടും റോഡ് നന്നാക്കാത്തതിൽ പ്രതിഷേധിച്ചായിരുന്നു ഉപരോധം. കുറ്റിപ്പാടത്തെ പ്ലൈവുഡ് കമ്പനികളിലേക്ക് അമിത ഭാരം കയറ്റിപ്പോകുന്ന തടി ലോറികൾ തടയണമെന്നാവശ്യപ്പെട്ട് ആർ.ടി.ഒക്കും പൊലീസിനും പരാതി നൽകിയിട്ടുണ്ട്. അമിത ഭാരവുമായി ലോറികൾ പെരിയാർവാലി കനാൽ കടക്കുന്നത് ജീർണാവസ്ഥയിലുള്ള പാലത്തെ കൂടുതൽ മോശമാക്കും. പാലം തകർന്നാൽ കുറ്റിപ്പാടത്തെ ഭാഗത്തേക്കുള്ള ഗതാഗതം നിലക്കുമെന്ന് വീട്ടമ്മമാർ പറഞ്ഞു. ഉപരോധത്തിന് വാർഡ് അംഗം സ്വാതി റെജികുമാർ, തോമസ് കെ. ജോർജ്, പി.എ. സിദ്ദീഖ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.