കാസര്‍കോട്: സി.സി.ടി.വി കാമറകള്‍ പ്രവര്‍ത്തനരഹിതമായതോടെ കാസര്‍കോട് ജനറല്‍ ആശുപത്രി കേന്ദ്രീകരിച്ച് മോഷണസംഘം വിലസുന്നു. ആശുപത്രി ജീവനക്കാരന്‍ ദാമോദരെൻറ ബൈക്കില്‍ സൂക്ഷിച്ച ചില രേഖകള്‍ കഴിഞ്ഞദിവസം മോഷണംപോയി. ആശുപത്രി കോമ്പൗണ്ടില്‍ നിര്‍ത്തിയിട്ട ബൈക്കില്‍നിന്നാണ് രേഖകള്‍ കവർന്നത്. ഒരാഴ്ചമുമ്പ് ജനറല്‍ ആശുപത്രിയിലെ ടെക്‌നീഷ്യെൻറ ബൈക്ക് മോഷണം പോയിരുന്നു.
ജനറല്‍ ആശുപത്രിയില്‍ നേരത്തെയും മോഷണം നടന്നതായി പരാതി ഉയര്‍ന്നിരുന്നു. ഇവിടെ പൊലീസുണ്ടെങ്കിലും പലപ്പോഴും ഇത്തരം സംഭവങ്ങള്‍ ശ്രദ്ധയില്‍പ്പെടാറില്ല. കാസര്‍കോട് നഗരസഭയുടെ നേതൃത്വത്തില്‍ ആശുപത്രിയില്‍ എട്ട് കാമറകള്‍ സ്ഥാപിച്ചെങ്കിലും പകുതിയും പ്രവർത്തനരഹിതമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.