അഴീക്കോട്: കഴിഞ്ഞ ഡിസംബറിൽ മൂന്നുനിരത്തുവെച്ച് സി.പി.എം പ്രവർത്തകരെ ആക്രമിച്ച കേസിൽ ഒരു എസ്.ഡി.പി.ഐ പ്രവർത്തകൻകൂടി അറസ്റ്റിലായി. അഴീക്കോട് മൂന്നുനിരത്ത് സ്വദേശി പെയിൻറിങ് തൊഴിലാളിയായ സഫ്വാൻ (27) ആണ് അറസ്റ്റിലായത്. ചൊവ്വാഴ്ച രാവിലെ 11ഒാടെ വീട്ടിൽവെച്ച് വളപട്ടണം പൊലീസ് ഇൻസ്പെക്ടർ കെ. കൃഷ്ണെൻറ നേതൃത്വത്തിലുള്ള സംഘമാണ് ഇയാളെ അറസ്റ്റുചെയ്തത്. ജുഡീഷ്യൽ ഫസ്റ്റ്ക്ലാസ് കോടതിയിൽ (രണ്ട്) ഹാജരാക്കിയ സഫ്വാനെ കോടതി രണ്ടാഴ്ചത്തേക്ക് റിമാൻഡ് ചെയ്തു. ഇൻസ്പെക്ടർ കൃഷ്ണനോടൊപ്പം എ.എസ്.ഐ ശശി, സീനിയർ സിവിൽ പൊലീസ് ഓഫിസർ രാജീവൻ എന്നിവരും ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.