പയ്യന്നൂർ: ഡിവൈ.എസ്.പി കെ.വി. വേണുഗോപാലിനെയും സംഘത്തെയും തടഞ്ഞ് കൃത്യനിർവഹണം തടസ്സപ്പെടുത്തിയ കേസിൽ നാല് ആർ.എസ്.എസ് പ്രവർത്തകരെ പയ്യന്നൂർ പൊലീസ് അറസ്റ്റ് ചെയ്തു. രാമന്തളി മൊട്ടക്കുന്നിലെ കെ. ----------ശിവാസ്--------- (35), കെ. മനൂപ് (23), എം. സജീവൻ (34), കെ. റിതിൻ (22) എന്നിവരെയാണ് എസ്.ഐ കെ.പി. ഷൈൻ അറസ്റ്റ് ചെയ്തത്. രാമന്തളി കക്കംപാറയിലാണ് കേസിനാസ്പദമായ സംഭവം. ആർ.എസ്.എസ് രാമന്തളി മണ്ഡലം കാര്യവാഹക് ചൂരക്കാട്ട് ബിജുവിെൻറ കൊലപാതകത്തെ തുടർന്ന് പരിയാരം മെഡിക്കൽ കോളജിൽ അക്രമം നടന്നിരുന്നു. ഈ സംഭവത്തിലെ പ്രതികളെ പിടിക്കാൻ കക്കംപാറ ഭാഗത്ത് ഡിവൈ.എസ്.പിയുടെ നേതൃത്വത്തിൽ എത്തിയപ്പോഴായിരുന്നു തടഞ്ഞത്. പിടികൂടിയ പ്രതികളുമായി തിരിച്ചുവരുമ്പോൾ സ്ത്രീകൾ ഉൾപ്പെടെയുള്ളവർ റോഡിൽ തടസ്സമുണ്ടാക്കുകയായിരുന്നു. സംഭവത്തിൽ നാൽപതോളം പേർക്കെതിരെയാണ് കേസെടുത്തത്. എട്ടിക്കുളം ബീച്ച് റോഡിലെ കെ. ധനേഷിനെ (23) ഈ സംഭവത്തിൽ നേരത്തെ അറസ്റ്റ് ചെയ്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.