കാസർകോട്: ജില്ല പഞ്ചായത്തിെൻറയും 24 ഗ്രാമപഞ്ചായത്തുകളുടെയും വാർഷിക പദ്ധതികൾക്ക് ജില്ല ആസൂത്രണ സമിതി യോഗം അംഗീകാരം നൽകി. ഇതോടെ ജില്ലയിലെ 48 തദ്ദേശ സ്വയംഭരണ സ്ഥാപനങ്ങളുടെയും വാർഷിക പദ്ധതികൾക്ക് അംഗീകാരമായി. പിലിക്കോട്, കുമ്പള, ചെമ്മനാട്, ഉദുമ, കാറഡുക്ക, മഞ്ചേശ്വരം, ബദിയടുക്ക, കുറ്റിക്കോൽ, കള്ളാർ, ബെള്ളൂർ, വോർക്കാടി, ഈസ്റ്റ് എളേരി, ദേലമ്പാടി, മുളിയാർ, പൈവളിഗെ, പുത്തിഗെ, എൻമകജെ, മൊഗ്രാൽപുത്തൂർ, പനത്തടി, മംഗൽപാടി, അജാനൂർ, വലിയപറമ്പ, ചെങ്കള, കോടോം -ബേളൂർ എന്നീ ഗ്രാമപഞ്ചായത്തുകളുടെയും ജില്ല പഞ്ചായത്തിെൻറയും വാർഷിക പദ്ധതികളാണ് അംഗീകരിച്ചത്. യോഗത്തിൽ ജില്ല പഞ്ചായത്ത് പ്രസിഡൻറ് എ.ജി.സി. ബഷീർ അധ്യക്ഷത വഹിച്ചു. ജില്ല കലക്ടർ കെ. ജീവൻബാബു, ഡി.പി.സി അംഗങ്ങൾ, തദ്ദേശഭരണ സ്ഥാപന അധ്യക്ഷന്മാർ, സെക്രട്ടറിമാർ, നിർവഹണ ഉദ്യോഗസ്ഥർ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.