കണ്ണൂർ: സംസ്ഥാന മന്ത്രിസഭയുടെ ഒന്നാം വാര്‍ഷികത്തിെൻറ ഭാഗമായി ജില്ല ഇന്‍ഫര്‍മേഷന്‍ ഓഫിസ് ഒരുക്കിയ സഹായി- പി.ആർ.ഡി പവലിയന്‍ താവക്കര ബി.ഒ.ടി ബസ് സ്റ്റാൻഡിൽ പ്രദര്‍ശനം തുടങ്ങി. മേയര്‍ ഇ.പി. ലത ഉദ്ഘാടനം ചെയ്തു. ജില്ലപഞ്ചായത്ത് പ്രസിഡൻറ് കെ.വി. സുമേഷ് അധ്യക്ഷത വഹിച്ചു. ജില്ല ഇന്‍ഫര്‍മേഷന്‍ ഓഫിസര്‍ ഇ.കെ. പത്മനാഭൻ, വിവിധ ബസ് തൊഴിലാളി യൂനിയന്‍ നേതാക്കളായ കെ. ജയരാജന്‍ (സി.ഐ.ടി.യു), പി. സൂര്യദാസ് (ഐ.എൻ.ടി.യു.സി), താവം ബാലകൃഷ്ണന്‍ (എ.ഐ.ടി.യു.സി), കെ.കെ. ബില്‍ഡേഴ്‌സ് മാനേജര്‍ യു. രാജീവന്‍ തുടങ്ങിയവര്‍ സംബന്ധിച്ചു. സര്‍ക്കാറിെൻറ വിവിധ ചികിത്സാ-ക്ഷേമ പദ്ധതികള്‍, വയോജനങ്ങൾ, അംഗപരിമിതര്‍, വിധവകൾ, പ്രവാസികള്‍ തുടങ്ങിയവര്‍ക്കുള്ള വിവിധ ആനുകൂല്യം തുടങ്ങിയവയെക്കുറിച്ചുള്ള വിവരങ്ങള്‍ അടങ്ങിയതാണ് പവലിയൻ. വിവിധ സേവനങ്ങള്‍ ലഭ്യമാക്കുന്ന വകുപ്പുകൾ, അപേക്ഷാ മാനദണ്ഡങ്ങൾ, ആവശ്യമായ രേഖകൾ, അപേക്ഷാ രീതി തുടങ്ങിയ വിവരങ്ങളും ഇതില്‍ ഉള്‍ക്കൊള്ളിച്ചിട്ടുണ്ട്. പുതിയ സ്റ്റാൻഡ് പ്രവേശന ഭാഗത്തുതന്നെ തയാറാക്കിയ പ്രദര്‍ശനം കാണാന്‍ ഒട്ടേറെ പേരെത്തി. പ്രദര്‍ശനം ഇന്നും തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.