ഉരുവച്ചാൽ: കനത്തമഴയിൽ വൻ നാശം. മാലൂർ പനമ്പറ്റ ന്യൂ യു.പി സ്കൂൾ ഗ്രൗണ്ടിലെ കൂറ്റൻ തണൽമരമാണ് ഇന്നലെ രാവിലെ എട്ടോടെ കടപുഴകിയത്. മരം മാലൂർ-പേരാവൂർ റോഡിന് കുറുകെവീണതിനാൽ നാലു മണിക്കൂർ ഗതാഗതം സ്തംഭിച്ചു. ബസ് ഉൾപ്പെടെ നൂറുകണക്കിന് വാഹനങ്ങൾ കടന്നുപോകുന്ന റോഡിൽ മരം വീഴുമ്പോൾ വാഹനങ്ങൾ ഇല്ലാത്തത് വൻ ദുരന്തം ഒഴിവാക്കി. ആറോളം വൈദ്യുതിത്തൂണും സ്കൂളിെൻറ എട്ടു മീറ്ററോളം നീളത്തിലുള്ള ചുറ്റുമതിലും തകർന്നു. മട്ടന്നൂർ, പേരാവൂർ എന്നിവിടങ്ങളിൽനിന്നെത്തിയ ഫയർഫോഴ്സും മാലൂർ പൊലീസും നാട്ടുകാരും ചേർന്ന് മരം മുറിച്ചുമാറ്റിയാണ് 12ഓടെ ഗതാഗതം പുനഃസ്ഥാപിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.