കണ്ണൂർ: കെ.എസ്.ആർ.ടി.സി ഡ്രൈവറെ ബസ് തടഞ്ഞ് ആക്രമിച്ച് പരിക്കേൽപിച്ച സംഭവത്തിൽ മൂന്നംഗസംഘം അറസ്റ്റിൽ. എടയന്നൂർ പ്രസാദത്തിൽ കെ.സി. നിഥിൻ (25), പന്നിയൂരിലെ കോളയോടൻ ബൈജു (34), മട്ടന്നൂർ സുധ സദനത്തിൽ കെ. ഷാരോൺ (25) എന്നിവരെയാണ് ടൗൺ പൊലീസ് അറസ്റ്റ് ചെയ്തത്. വ്യാഴാഴ്ച വൈകീട്ട് 6.45ഒാടെയാണ് സംഭവം. മംഗളൂരുവിൽനിന്ന് തലശ്ശേരിക്ക് വരുകയായിരുന്ന കെ.എസ്.ആർ.ടി.സി ടൗൺ ടു ടൗൺ ബസ് പിന്തുടർന്ന് ഇന്നോവ കാറിലെത്തിയ സംഘം വാഹനത്തിന് സൈഡ് കൊടുത്തില്ലെന്ന് പറഞ്ഞ് കണ്ണൂർ വൈദ്യുതി ഭവന് സമീപം ബസ് തടഞ്ഞിട്ട് ഡ്രൈവർ നിർമലഗിരിയിലെ കെ. ഷിജിലിനെ മർദിച്ച് പരിക്കേൽപിക്കുകയായിരുന്നു. ഇത് ചോദ്യംചെയ്യാനെത്തിയ ഹോം ഗാർഡിനെ ൈകയേറ്റം ചെയ്യാനും ശ്രമിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.