മണത്തണ: വന്യമൃഗശല്യത്തിനെതിരെ കത്തോലിക്കാ കോൺഗ്രസിെൻറ നേതൃത്വത്തിൽ മനുഷ്യമതിൽ തീർത്തു. ഇവടക വികാരി ഫാ. മാത്യു വേങ്ങക്കുന്നേൽ ഉദ്ഘാടനം ചെയ്തു. ഫൊറോന പ്രസിഡൻറ് തോമസ് പാറയ്ക്കൽ, ജോജൻ എടത്താഴെ, ജോർജ് പന്തപ്ലാക്കൽ, വിത്സൻ വട്ടോടിയിൽ, സ്റ്റാനി എടത്താഴെ എന്നിവർ സംസാരിച്ചു. കണിച്ചാർ, ഓടന്തോട്, പെരുമ്പുന്ന, പാലപ്പുഴ പ്രദേശങ്ങളിലെ കൃഷിയിടങ്ങളിലേക്ക് കാട്ടാന അടക്കമുള്ള വന്യമൃഗങ്ങളുടെ സഞ്ചാരവും അതിക്രമവും കൂടിവരുന്ന സാഹചര്യത്തിൽ ഈ പ്രദേശങ്ങളിൽ ആനമതിൽ തീർക്കണമെന്നും കർഷകരുടെ ജീവനും സ്വത്തിനും സംരക്ഷണം ഉറപ്പുവരുത്തണമെന്നും ആവശ്യപ്പെട്ടാണ് ഓടന്തോട് പള്ളിക്കു സമീപം കത്തോലിക്കാ കോൺഗ്രസിെൻറ നേതൃത്വത്തിൽ മനുഷ്യമതിൽ തീർത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.