കോൺഗ്രസ്-എസ് നേതാവ് പി.ഒ. കൃഷ്ണൻ ചെറുകുന്ന്: കോൺഗ്രസ്-എസ് നേതാവ് കണ്ണപുരം കൃസ്തുക്കുന്ന് ജയ വിഹാറിൽ പി.ഒ. കൃഷ്ണൻ (86) നിര്യാതനായി. ജില്ല കമ്മിറ്റി അംഗവും അഴീക്കോട് ബ്ലോക്ക് മുൻ പ്രസിഡൻറുമായിരുന്നു. അവിഭക്ത കോൺഗ്രസിെൻറ തളിപ്പറമ്പ് ബ്ലോക്ക് സെക്രട്ടറി, വീക്ഷണം പത്രത്തിെൻറ ആദ്യകാല പരസ്യവിഭാഗം മാനേജർ, ജില്ല കമ്മിറ്റി അംഗം, കണ്ണപുരം, ചെറുകുന്ന് മണ്ഡലം പ്രസിഡൻറ് എന്നീനിലകളിൽ പ്രവർത്തിച്ചിട്ടുണ്ട്. തളിപ്പറമ്പ്, അഴീക്കോട് മേഖലകളിൽ കോൺഗ്രസിനെ കെട്ടിപ്പടുക്കുന്നതിൽ മുൻനിരയിൽ പ്രവർത്തിച്ചു. കോൺഗ്രസ് പിളർന്നപ്പോൾ കോൺഗ്രസ്-എസിൽ ചേർന്നു. വീട്ടിെല പുസ്തകശേഖരം കീഴറ വിജ്ഞാന പോഷിണി ഗ്രന്ഥാലയത്തിന് നൽകിയിരുന്നു. ചെറുകുന്ന് കണ്ണപുരം പ്രസന്ന കലാസമിതി പ്രവർത്തകനും നാടക കലാകാരനുമാണ്. ഭാര്യ: കെ. ആഗ്നസ് -(റിട്ട. പ്രധാനാധ്യാപിക ജി.എൽ.പി സ്കൂൾ, ചെറുകുന്ന് സൗത്ത്). മക്കൾ: ജയരാജ്, ജയശ്രീ, ജോസ് പ്രകാശ് (ഗായകൻ). മരുമക്കൾ: മേരിക്കുട്ടി (പഴയങ്ങാടി അർബൻ കോ-ഓപ് ബാങ്ക്), പരേതനായ ഡൊമനിക് തങ്കച്ചൻ. സഹോദരങ്ങൾ: ജാനകി, ദേവി, ലക്ഷ്മിക്കുട്ടി, മാധവൻ, പരേതനായ ഗോവിന്ദൻ. മൃതദേഹം വ്യാഴാഴ്ച രാവിലെ ഒമ്പതിന് വീട്ടിലെത്തിക്കും. 10ന് കൃസ്തുക്കുന്ന് ഗ്രൗണ്ടിൽ പൊതുദർശനത്തിന് വെച്ചശേഷം രണ്ടിന് പരിയാരം മെഡിക്കൽ കോളജിന് കൈമാറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.