ക്വാലാലംപൂർ: മലേഷ്യയുടെ ഉന്നതാധികാര രംഗത്ത് കണ്ണൂർ സ്വദേശി. പഴയങ്ങാടി മാട്ടൂൽ നോ ർത്ത് സ്വദേശിയായ ലത്തീഫ കോയയാണ് മലേഷ്യയുടെ അഴിമതിവിരുദ്ധ കമീഷൻ മുഖ്യ കമീഷണറാ യി അധികാരമേറ്റത്. ഈ പദവിയിലെത്തുന്ന ആദ്യ വനിതയാണ് ഇവർ.
മലേഷ്യൻ പൗരത്വം സ്വീക രിച്ച മാട്ടൂൽ സ്വദേശികളായ പി.കെ. കോയ-പി.പി.കെ. ബീഫാത്തു ദമ്പതികളുടെ മകളായ ലത്തീഫ കോയ 1973ലാണ് ജനിച്ചത്. മൂന്നു മാസം പ്രായമായപ്പോൾതന്നെ മാതാപിതാക്കളോടൊപ്പം മലേഷ്യയിലെത്തി.
മലേഷ്യയുടെ പ്രമുഖ രാഷ്ട്രീയ പാർട്ടിയായ പീപിൾ ജസ്റ്റിസ് പാർട്ടിയുടെ മുൻനിരയിലായിരുന്ന ലത്തീഫ പ്രമുഖ മനുഷ്യാവകാശ പ്രവർത്തകയും അഭിഭാഷകയുമാണ്. 1997ൽ ലണ്ടൻ യൂനിവേഴ്സിറ്റിയിൽനിന്ന് നിയമബിരുദം നേടി. 2008 മുതൽ 2012വരെ മലേഷ്യയിലെ പെറ്റലിങ് ജയ സിറ്റി കൗൺസിൽ അംഗംകൂടിയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.