ദേ ഇതാണ്​ ആ ഓട്ടക്കാരൻ

കോ​ട്ട​യം: ക​ഴി​ഞ്ഞ ദി​വ​സം കോ​ട​തി വ​ള​പ്പി​ൽ​നി​ന്ന്​ ഒ​രു പ്ര​തി ര​ക്ഷ​പ്പെ​ടാ​ൻ ശ്ര​മി​ച്ചു; ഫ​ല​മോ അ​യാ​ൾ പി​ടി​യി​ലാ​യെ​ന്നു മാ​ത്ര​മ​ല്ല ട്രാ​ഫി​ക്​ പൊ​ലീ​സി​ലെ ഓ​ട്ട​ക്കാ​ര​നെ പു​റം​ലോ​ക​മ​റി​യു​ക​യും ചെ​യ്തു. വെ​ച്ചൂ​ർ സ്വ​ദേ​ശി​യാ​യ സി.​പി.​ഒ ശ​ശി​കു​മാ​റാ​ണ്​ പ്ര​തി​​യെ ഓ​ടി​ച്ചി​ട്ടു പി​ടി​കൂ​ടി​യ സ്​​പോ​ർ​ട്​​സ​സ്മാ​ൻ. ചെ​റു​പ്പം മു​ത​ൽ ഓ​ട്ട​വും ചാ​ട്ട​വും ശീ​ല​മാ​ക്കി​യ അ​ദ്ദേ​ഹം മാ​ര​ത്ത​ൺ ഓ​ട്ട​ക്കാ​ര​നാ​ണ്.

വെ​റ്റ​റ​ൻ​സ്​ ദേ​ശീ​യ മ​ത്സ​ര​ത്തി​ൽ 45 വ​യ​സ്സി​നു മു​ക​ളി​ലു​ള്ള​വ​രു​ടെ വി​ഭാ​ഗ​ത്തി​ൽ പോ​ൾ​വാ​ൾ​ട്ടി​ൽ വെ​ള്ളി​യും ട്രി​പ്പി​ൾ ജം​പി​ൽ വെ​ങ്ക​ല​വും നേ​ടി​യി​ട്ടു​ണ്ട്. സെ​വ​ൻ​സ്​ മ​ത്സ​ര​ങ്ങ​ളി​ൽ സ​ജീ​വ​മാ​യ ഇ​ദ്ദേ​ഹ​ത്തി​ന്​

വോ​ളി​ബാ​ളും പ്രി​യം. പ്രാ​ര​ബ്​​ധ​ങ്ങ​ൾ​ക്കു ന​ടു​വി​ലെ ജീ​വി​ത​മാ​ണ്​ ശ​ശി​കു​മാ​റി​നെ കാ​യി​ക​താ​ര​മാ​ക്കി​യ​ത്. വെ​ച്ചൂ​ർ ഗ​വ. എ​ച്ച്.​എ​സി​ലാ​യി​രു​ന്നു സ്കൂ​ൾ​പ​ഠ​നം. കൊ​ത​വ​റ സെ​ന്‍റ്​ സേ​വ്യേ​ഴ്​​സ്​ പ്രീ​ഡി​ഗ്രി പൂ​ർ​ത്തി​യാ​ക്കി​യ ശേ​ഷം വീ​ടു​നോ​ക്കാ​ൻ കൂ​ലി​പ്പ​ണി​ക്കി​റ​ങ്ങി. അ​തി​നി​ട​യി​ൽ കി​ട്ടു​ന്ന സ​മ​യ​മാ​ണ്​ നാ​ട്ടു​മ്പു​റ​ത്തെ ഫു​ട്​​ബാ​ളി​നും വോ​ളി​ബാ​ളി​നു​മാ​യി മാ​റ്റി​വെ​ച്ച​ത്. 32ാം വ​യ​സ്സി​ലാ​ണ്​ സ​ർ​വി​സി​ൽ ക​യ​റി​യ​ത്. കോ​ട്ട​യ​ത്തെ​ത്തി​യി​ട്ട് 15വ​ർ​ഷം. ഒ​ന്ന​ര വ​ർ​ഷ​മാ​യി ​ട്രാ​ഫി​ക്കി​ലാ​ണ്. ആ​ല​പ്പു​ഴ മ​ണ്ണ​ഞ്ചേ​രി സ്​​റ്റേ​ഷ​നി​ലെ എ.​എ​സ്.​ഐ പി.​എ​സ്. സി​ന്ധു​വാ​ണ്​ ഭാ​ര്യ. പ്ല​സ്​ വ​ൺ വി​ദ്യാ​ർ​ഥി​യാ​യ അ​മി​ത്​​ആ​രോ​മ​ലും ര​ണ്ടാം​ക്ലാ​സു​കാ​ര​നാ​യ അ​മൃ​ത്​ ഇ​ഷാ​നു​മാ​ണ്​ മ​ക്ക​ൾ. 52കാ​ര​നാ​യ ഇ​ദ്ദേ​ഹം ഇ​പ്പോ​ൾ ആ​ല​പ്പു​ഴ​യി​ലാ​ണ്​ താ​മ​സം.

ക​ഴി​ഞ്ഞ വ്യാ​ഴാ​ഴ്ച ക​ല​ക്ട​റേ​റ്റ്​ ഭാ​ഗ​ത്ത്​ ഡ്യൂ​ട്ടി​യി​ലി​രി​ക്കെ​യാ​ണ്​ പ്ര​തി ഓ​ടി വ​രു​ന്ന​ത്​ ശ​ശി​കു​മാ​ർ ക​ണ്ട​ത്. തൊ​ഴി​ലാ​ളി​ക​ൾ ത​മ്മി​ലു​ള്ള ക​ശ​പി​ശ​യാ​ണെ​ന്നാ​ണ്​ ആ​ദ്യം ക​രു​തി​യ​ത്. ഇ​യാ​ൾ ക​ട​ന്നു​പോ​യ ശേ​ഷം പി​റ​കെ പൊ​ലീ​സു​കാ​ര​നെ​ക്കൂ​ടി ക​ണ്ട​തോ​ടെ സം​ശ​യ​മാ​യി. പ്ര​തി ആ ​സ​മ​യം ക​ൺ​മു​ന്നി​ൽ​നി​ന്നു മ​റ​ഞ്ഞി​രു​ന്നി​ല്ല. ഉ​ട​ൻ പു​റ​കെ ഓ​ടി. സ​മീ​പ​ത്തെ ഇ​ട​വ​ഴി ക​യ​റി​യ ഇ​യാ​ൾ കാ​ടു​പി​ടി​ച്ച ഭാ​ഗ​ത്തേ​ക്കാ​ണ്​ ഓ​ടി വ​ല​തു​ഭാ​ഗ​ത്തെ വ​ലി​യ കു​ഴി​യി​ലേ​ക്ക്​ ചാ​ടി. ശ​ശി​കു​മാ​റും പി​ന്നാ​ലെ ചാ​ടി പ്ര​തി​യെ പി​ടി​ച്ചു​​വെ​ച്ചു. അ​പ്പോ​ഴേ​ക്കും പു​റ​കെ എ​ത്തി​യ പൊ​ലീ​സു​കാ​ര​നും കു​ഴി​യി​ലേ​ക്ക്​​ ചാ​ടി. പ്ര​തി ധ​രി​ച്ചി​രു​ന്ന ബ​നി​യ​ൻ ഊ​രി കൈ​ ​പു​റ​കി​ലാ​ക്കി കെ​ട്ടി. മ​റ്റ്​ പൊ​ലീ​സു​കാ​ർ കൂ​ടി എ​ത്തി ഇ​യാ​ളെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു. രാ​ത്രി ട്രെ​യി​നി​ലും റെ​യി​ൽ​വേ സ്​​റ്റേ​ഷ​നു​ക​ളി​ലും ചു​റ്റി​ക്ക​റ​ങ്ങി മോ​ഷ​ണം ന​ട​ത്തു​ന്ന കു​പ്ര​സി​ദ്ധ മോ​ഷ്ടാ​വാ​യ 28കാ​ര​നാ​യ അ​സം സ്വ​ദേ​ശി​യാ​ണ്​ കോ​ട​തി​യി​ൽ ഹാ​ജ​രാ​ക്കാ​നെ​ത്തി​ച്ച​പ്പോ​ൾ ര​ക്ഷ​പ്പെ​ടാ​ൻ ശ്ര​മി​ച്ച​ത്.