ചെങ്ങമനാട് പൊലീസ് സ്റ്റേഷൻ സി.ഐ ജോസിക്ക് എ.എസ്.ഐയായ ജ്യേഷ്ഠൻ വർഗീസ് സല്യൂട്ട് നല്‍കിയപ്പോള്‍
ചെങ്ങമനാട് (എറണാകുളം): ചെങ്ങമനാട് പൊലീസ് സ്റ്റേഷൻ ചുമതലകൾക്ക് ഇനി നേതൃത്വം നല്‍കുക നോര്‍ത്ത് പറവൂര്‍ കുഞ്ഞിതൈ തേലക്കാട്ട് വീട്ടില്‍ തോമസ് - കുഞ്ഞമ്മ ദമ്പതികളുടെ മക്കളായ ടി.കെ. ജോസിയും ടി.കെ. വര്‍ഗീസുമായിരിക്കും. 16 വര്‍ഷം മുമ്പ് സർവിസില്‍ പ്രവേശിച്ച്, ക്രൈംബ്രാഞ്ചില്‍ എസ്.ഐ ആയിരുന്ന ഇളയ മകന്‍ ജോസി ഉദ്യോഗക്കയറ്റെത്ത തുടര്‍ന്ന് അഞ്ച് മാസം മുമ്പാണ് സ്റ്റേഷന്‍ ഹൗസ് ഓഫിസറായി ചെങ്ങമനാട് സ്റ്റേഷനില്‍ ചുമതലയേൽക്കുന്നത്.
22 വര്‍ഷം മുമ്പാണ് വർഗീസ് സർവിസില്‍ പ്രവേശിച്ചത്. വടക്കേക്കര സ്റ്റേഷനിലെ എ.എസ്.ഐ ആയിരുന്നു. സ്ഥലം മാറ്റത്തെ തുടർന്ന് ചൊവ്വാഴ്ച രാവിലെ ചെങ്ങമനാട് സ്റ്റേഷനിലെത്തി വർഗീസ് ചാര്‍ജെടുത്തു. സഹോദര ബന്ധങ്ങളുടെ വകഭേദമില്ലാതെ സി.ഐയുടെ മുറിയിലെത്തിയ വർഗീസ് മേലാധികാരിക്ക് സല്യൂട്ട് നല്‍കുകയും സ്ഥലംമാറ്റ ഉത്തരവ് സമര്‍പ്പിക്കുകയുമായിരുന്നു.
സല്യൂട്ട് സ്വീകരിച്ച ശേഷം സി.ഐ ജോസി ഉത്തരവ് സ്വീകരിച്ച് ഒപ്പുവെക്കുകയും ചെയ്തു. ജോസിയുടെയും വർഗീസിെൻറയും ഏക സഹോദരി ബീന സഭ നേതൃത്വം നല്‍കുന്ന സ്ഥാപനത്തിലെ ജീവനക്കാരിയാണ്.
ചെങ്ങമനാട് പൊലീസ് സ്റ്റേഷനില്‍ സ്ഥലം മാറിവന്ന എ.എസ്.ഐ വർഗീസിെൻറ മൂവ്മെൻറ് ഓര്‍ഡറില്‍ സി.ഐ ജോസി ഒപ്പുവെക്കുന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.