അന്ന്​ നട്ട മരങ്ങൾ ഇന്ന് ഇവർക്ക് തണലായി

പുൽപള്ളി: ഏഴുവർഷം മുമ്പ് പരിസ്​ഥിതി ദിനത്തിൽ നട്ടുപിടിപ്പിച്ച മുള ​ൈതകൾ തണലൊരുക്കിയതി​െൻറ ആഹ്ലാദത്തിലാണ് പുൽപള്ളി ടൗണിലെ ടെമ്പോ, ട്രാക്ടർ സ്​റ്റാൻഡിലെ ൈഡ്രവർമാർ. ടെമ്പോക്കും ട്രാക്ടറിനുമുള്ള സ്​റ്റാൻഡ് സീതാദേവി അമ്പലത്തിന് അടുത്തേക്ക് മാറ്റിയപ്പോൾ ഇരിപ്പിടം സൗകര്യം ൈഡ്രവർമാർ ഒരുക്കിയതിനൊപ്പം ചുറ്റും മുള തൈകളും നട്ടുപിടിപ്പിച്ചു. ആ തൈകളാണ് ഇന്ന് പടർന്ന് പന്തലിച്ച് ഇവർക്കും ഈ വഴി യാത്ര ചെയ്യുന്നവർക്കും തണലൊരുക്കിയിരിക്കുന്നത്. 

ഏതുസമയവും കുളിർമയുള്ള കാലാവസ്​ഥയാണ് ഇവിടെ. ഈ വഴി കാൽനടയായി യാത്ര ചെയ്യുന്ന വയോജനങ്ങളും മറ്റും ഇവിടെയെത്തുമ്പോൾ വിശ്രമിക്കുന്നത് ഈ മുളങ്കൂട്ടങ്ങൾക്ക് ചുവട്ടിലാണ്. ൈഡ്രവർമാർ മുള നിൽക്കുന്ന ഭാഗങ്ങൾക്ക് നടുവിൽ ചെറിയ ഷെഡ് നിർമിച്ചിട്ടുണ്ട്.