പത്തനംതിട്ട: റാന്നി തിയ്യാടിക്കലിൽ ടിപ്പർ ലോറി ബൈക്കുകളിൽ ഇടിച്ചുണ്ടായ അപകടത്തിൽ രണ്ടു പേർ മരിച്ചു. ഒരാൾക്ക് ഗുരുതര പരിക്ക്. വെള്ളിയറ സ്വദേശികളായ അമൽ, ശരൺ എന്നിവരാണ് മരിച്ചത്. പരിക്കേറ്റയാളെ കോഴഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
വെള്ളിയാഴ്ച അർധരാത്രിയിലായിരുന്നു സംഭവം. അമിത വേഗതയിൽ വന്ന ടിപ്പർ ബൈക്കുകളിൽ ഇടിക്കുകയായിരുന്നു. രണ്ടു പേർ സംഭവ സ്ഥലത്തുവെച്ച് മരിച്ചു.
മരിച്ച അമൽ സൈനികനാണ്. രണ്ടാഴ്ച മുമ്പാണ് ഇയാൾ നാട്ടിൽ വന്നത്. മൂന്നംഗ സംഘം വീട്ടിലേക്ക് പോകുംവഴിയാണ് അപകടമുണ്ടായത്. അപകടത്തിൽപ്പെട്ടവരെ നാട്ടുകാരാണ് ആശുപത്രിയിൽ എത്തിച്ചത്. സംഭവം നടന്ന സ്ഥലത്തിന് സമീപത്തെ ക്വാറിയിൽ നിന്ന് പാറ കൊണ്ടു പോകുന്ന ലോറിയാണിത്. മൃതദേഹങ്ങൾ കോഴഞ്ചേരിയിലെ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.