കണ്ണൂരിൽ പട്ടാപ്പകൽ വീട്ടുമുറ്റത്ത് കടുവ

കണ്ണൂർ: പട്ടാപ്പകൽ വീട്ടുമുറ്റത്ത് കടുവയെത്തി. കണ്ണൂർ അടയ്ക്കാത്തോടിലാണ് സംഭവം. വീട്ടുമുറ്റത്തേക്ക് കടുവ നടന്നു വരുന്ന സി.സി.ടി.വി ദൃശ്യങ്ങൾ പുറത്തുവന്നു. സമീപത്തെ വീട്ടുപറമ്പിൽ കടുവ നിൽക്കുന്നതിന്‍റെ മൊബൈൽ ദൃശ്യങ്ങളും പുറത്തായിട്ടുണ്ട്.

ഒരാഴ്ചയായി മേഖലയിൽ ഈ കടുവ കറങ്ങി നടക്കുകയാണ്. നാലു തവണയാണ് പ്രദേശവാസികൾ കടുവയെ കണ്ടത്. ഇതെല്ലാം പുലർച്ചെയായിരുന്നു. ഇതേതുടർന്ന് വനംവകുപ്പ് കൂട് സ്ഥാപിച്ചിരുന്നു. എന്നാലിപ്പോൾ പട്ടാപ്പകൽ തന്നെ പ്രദേശത്ത് കടുവ ഇറങ്ങി നടന്നതാണ് പുതിയ സംഭവം. ഇതോടെ ഒരു കൂട് കൂടി സ്ഥാപിക്കുമെന്ന് വിവരം.