ഇടയം മുതുവാനത്ത് ജംഗ്ഷനിൽ ഇന്നലെയുണ്ടായ അപകടത്തിൽപ്പെട്ട കാറും ബൈക്കും
അഞ്ചൽ: കാറും ബൈക്കും കൂട്ടിയിടിച്ച് രണ്ട് കുട്ടികളുൾപ്പെടെ മൂന്ന് പേർക്ക് പരിക്ക്. ഇടയം മുതുവാനത്ത് ജംഗ്ഷനിൽ വൈകിട്ട് അഞ്ച് മണിയോടെയാണ് അപകടം. ബൈക്ക് യാത്രികനായ ഇടയം ആലുവിളവീട്ടിൽ അജി (40) ക്കും ഒപ്പമുണ്ടായിരുന്ന രണ്ട് കുട്ടികൾക്കുമാണ് പരിക്കേറ്റത്.ഇവരെ അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു.
തടിക്കാട് ഭാഗത്തു നിന്നും ആയൂർ ഭാഗത്തേക്ക് പോയ കാറും മലയാംകുളം ഭാഗത്തു നിന്നും വന്ന ബൈക്കുമാണ് കൂട്ടിയിടിച്ചത്.അജിക്ക് തലയ്ക്കാണ് കൂടുതൽ പരിക്കേറ്റിട്ടുള്ളത്. തടിക്കാട് കണ്ണങ്കാവിൽ ഹിജാസിൻ്റെ കറുമായാണ് കൂട്ടിയിടിച്ചത്.അഞ്ചൽ എസ്.ഐ ഷാജഹാൻ്റെ നേതൃത്വത്തിലുള്ള പൊലീസ് സംഘം സ്ഥലത്തെത്തി മേൽനടപടി സ്വീകരിച്ചു. ഈ സ്ഥലത്ത് അപകടം പതിവായിരുന്നതിനാൽ വാഹനാപകടങ്ങൾ ഒഴിവാക്കാനായി റോഡരികിൽ കോൺവെക്സ് മിറർ സ്ഥാപിച്ചിട്ടുള്ളതാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.