കോട്ടയം: പൂഞ്ഞാർ ഗ്രാമപഞ്ചായത്തിൽ പ്രസിഡൻറിനെതിരെ പി.സി ജോർജിന്റെ ജനപക്ഷം കൊണ്ടുവന്ന അവിശ്വാസം പാസായി. പൂഞ ്ഞാർ ഗ്രാമ പഞ്ചായത്ത് പ്രസിഡന്റും സി.പി.എം. നേതാവുമായ രമേഷ് ബി. വെട്ടിമറ്റത്തിന് എതിരായി കേരള ജനപക്ഷം നൽകിയ അവ ിശ്വാസ പ്രമേയം അഞ്ചിനെതിരെ എട്ട് വോട്ടുകൾക്കാണ് പാസായത്. ജനപക്ഷത്തിലെ മൂന്നും കോൺഗ്രസിലെ മൂന്നും ബി.ജെ.പി.യിലെ രണ്ടും അംഗങ്ങൾ അവിശ്വാസ പ്രമേയത്തെ പിന്തുണച്ചു.
കഴിഞ്ഞ ദിവസം നടന്ന വൈസ് പ്രസിഡന്റെ തെരഞ്ഞെടുപ്പിലും ജനപക്ഷത്തെ ബി.ജെ.പി പിന്തുണച്ചിരുന്നു. ബി.ജെ.പിയും ജനപക്ഷപും ചേർന്ന് കൊണ്ടുവന്ന അവിശ്വാസ പ്രമേയത്തെ കോൺഗ്രസ് പിന്തുണച്ചതോടെയാണ് അവിശ്വാസം പാസായത്.
അതിനിടെ, അയർക്കുന്നം പഞ്ചായത്ത് പ്രസിഡന്റായി കേരള കോൺഗ്രസ് എമ്മിലെ മോളി തോമസ് എതിരില്ലാതെ തെരഞ്ഞെടുക്കപ്പെട്ടു. മുൻ ധാരണ പ്രകാരം കോൺഗ്രസ് അംഗം മോനിമോൾ ജയ്മോൻ പ്രസിഡന്റ് സ്ഥാനം രാജിവച്ചതിനെ തുടർന്നാണ് പുതിയ പ്രസിഡന്റ് തെരഞ്ഞെടുപ്പ് നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.