കഴക്കൂട്ടം : ആക്കുളം ബൈപാസിൽ നിയന്ത്രണം തെറ്റിയ പൊലീസ് ജീപ്പ് റോഡിലെ ഡിവൈഡറിൽ ഇടിച്ച് രണ്ട് പൊലീസുകാർക്ക് പരിക്ക്. ട്രാഫിക് പൊലീസിന്റെ ഹൈവേ പെട്രോൾ വാഹനമായ ചീറ്റ വാഹനമാണ് അപകടത്തിൽപ്പെട്ടത്. ആക്കുളം ബൈപ്പാസിൽ ടി.എസ്.സി.ആശുപത്രിക്ക് മുന്നിൽ ഇന്നലെ രാവിലെ പതിനൊന്നുമണിക്കാണ് സംഭവം.
കഴക്കൂട്ടം ഭാഗത്ത് നിന്നെത്തിയ ഹൈവേ പെട്രോൾ വാഹനം ഇടതു വശത്തുകൂടി ഓവർടേക്ക് ചെയ്യാതിരിക്കാൻ വെട്ടിത്തിരിച്ചപ്പോൾ നിയന്ത്രണം തെറ്റി റോഡിന് മദ്ധ്യഭാഗത്തെ ഡിവൈഡറിന് മുകളിലൂടെ മറുവശത്തേക്ക് മറിയുകയായിരുന്നു. ഉടൻ തന്നെ സ്ഥലത്തെത്തിയ നാട്ടുകാരും തുമ്പ പൊലീസും പരിക്കേറ്റ പൊലീസുകാരെ ആശുപത്രിയിലേക്ക് മാറ്റി. പൊലീസുകാരുടെ പരിക്ക് ഗുരുതരമല്ല. ക്രെയിൻ ഉപയോഗിച്ച് വാഹനം അപകടസ്ഥലത്ത് നിന്ന് മാറ്റി ഗതാഗതതടസം ഒഴിവാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.