കോഴിക്കോട്: കൊച്ചിയിൽ ആക്രമിക്കപ്പെട്ട നടിയുടെ പേര് ചാനൽ ചർച്ചയിൽ വെളിപ്പെടുത്തിയെന്ന പരാതിയിൽ പി.സി. ജോർജ് എം.എൽ.എക്കെതിരെ മെഡിക്കൽ കോളജ് പൊലീസ് കേസ് രജിസ്റ്റർ ചെയ്തു. കോടതി ഉത്തരവിനെതുടർന്നാണ് പൊലീസ് എം.എൽ.എക്കെതിരെ കേസെടുത്തത്.
മീഡിയവർ ചാനലിെൻറ സ്പെഷൽ എഡിഷൻ ചർച്ചക്കിടെയായിരുന്നു എം.എൽ.എ നടിയുടെ പേര് പരാമർശിച്ചത്. ഇതിനെതിരെ ചാനൽ ആസ്ഥാനം പ്രവർത്തിക്കുന്ന വെള്ളിപറമ്പ് ഉൾപ്പെടുന്ന മെഡിക്കൽ കോളജ് പൊലീസിൽ പൊതുപ്രവർത്തകനായ എറണാകുളം കളമശ്ശേരി സ്വദേശി ഗിരീഷ് ബാബു പരാതി നൽകുകയായിരുന്നു. എന്നാൽ സംഭത്തിൽ കേസെടുക്കാൻ പൊലീസ് കൂട്ടാക്കിയില്ല. ഇതോടെ പരാതിക്കാരൻ കുന്ദമംഗലം കോടതിയെ സമീപിച്ചു. തുടർന്നാണ് സംഭവത്തിൽ എഫ്.െഎ.ആർ രജിസ്റ്റർ ചെയ്ത് അന്വേഷണം നടത്താൻ മെഡിക്കൽ കോളജ് പൊലീസിനോട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഉത്തരവിട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.