രണ്ടരവയസുള്ള കുഞ്ഞിനെ കഴുത്തറുത്ത് കൊന്ന് മാതാപിതാക്കൾ ജീവനൊടുക്കി

ഇ​ര​വി​പു​രം (കൊ​ല്ലം): ര​ണ്ട​ര വ​യ​സ്സു​കാ​ര​നാ​യ മ​ക​നെ കൊ​ല​പ്പെ​ടു​ത്തി​യ ശേ​ഷം മാ​താ​പി​താ​ക്ക​ൾ ആ​ത്മ​ഹ​ത്യ ചെ​യ്തു. മ​യ്യ​നാ​ട് കാ​രി​ക്കു​ഴി സു​ചി​ത്ര​മു​ക്കി​ന​ടു​ത്ത് വ​ലി​യ​വി​ള ന​ഗ​റി​ൽ ചെ​ന്ത​ച്ച​ൻ അ​ഴി​കം ഭാ​സ്ക​ര വി​ലാ​സം വീ​ട്ടി​ൽ വാ​ട​ക​ക്ക് താ​മ​സി​ച്ചി​രു​ന്ന അ​ജീ​ഷ് (38), ഭാ​ര്യ സു​ലു (36), ഏ​ക മ​ക​ൻ ആ​ദി എ​ന്നി​വ​രെ​യാ​ണ് ബു​ധ​നാ​ഴ്ച രാ​വി​ലെ വീ​ടി​നു​ള്ളി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

അ​ജീ​ഷും ഭാ​ര്യ സു​ലു​വും തൂ​ങ്ങി​മ​രി​ച്ച നി​ല​യി​ലും മ​ക​ൻ ആ​ദി​യെ ക​ട്ടി​ലി​ൽ മ​രി​ച്ചു​കി​ട​ക്കു​ന്ന നി​ല​യി​ലു​മാ​ണ് ക​ണ്ടെ​ത്തി​യ​ത്. കു​ട്ടി​യെ കൊ​ല​പ്പെ​ടു​ത്തി​യ ശേ​ഷം ഇ​വ​ർ ആ​ത്മ​ഹ​ത്യ ചെ​യ്തെ​ന്നാ​ണ് ക​രു​തു​ന്ന​ത്. ഗു​രു​ത​ര രോ​ഗ​ബാ​ധ​യും ക​ട​ബാ​ധ്യ​ത​യു​മാ​ണ് മ​ര​ണ​ത്തി​ന് കാ​ര​ണ​മെ​ന്ന ആ​ത്മ​ഹ​ത്യ കു​റി​പ്പും മു​റി​യി​ൽ നി​ന്ന് പൊ​ലീ​സ് ക​ണ്ടെ​ത്തി.

നേ​രം പു​ല​ർ​ന്നി​ട്ടും ഇ​വ​ർ മു​റി തു​റ​ന്ന്​ പു​റ​ത്തി​റ​ങ്ങാ​ത്ത​തി​നെ തു​ട​ർ​ന്ന് അ​നീ​ഷി​ന്റെ മാ​താ​പി​താ​ക്ക​ളാ​യ അ​നി​ൽ​കു​മാ​റും ലൈ​ല​യും ചേ​ർ​ന്ന്​ സു​ലു​വി​ന്റെ മാ​താ​പി​താ​ക്ക​ളാ​യ സു​രേ​ഷി​നെ​യും ബി​ന്ദു​വി​നെ​യും വി​ളി​ച്ചു​വ​രു​ത്തി​യ ശേ​ഷം ക​ത​ക് ച​വി​ട്ടി​ത്തു​റ​ന്ന്​ നോ​ക്കി​യ​പ്പോ​ഴാ​ണ് മൂ​ന്നു പേ​രെ​യും മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഗ​ൾ​ഫി​ലാ​യി​രു​ന്ന അ​ജീ​ഷ് നാ​ട്ടി​ലെ​ത്തി​യ ശേ​ഷം ഒ​രു അ​ഡ്വ​ക്ക​റ്റി​ന്‍റെ ക്ല​ർ​ക്കാ​യി ജോ​ലി നോ​ക്കി വ​രി​ക​യാ​യി​രു​ന്നു.

ഫി​സ്റ്റു​ല ശ​സ്ത്ര​ക്രി​യ​ക്ക് വി​ധേ​യ​നാ​യ അ​ജീ​ഷി​ന് അ​ടു​ത്തി​ടെ ആ​ർ.​സി.​സി​യി​ൽ ന​ട​ത്തി​യ പ​രി​ശോ​ധ​ന​യി​ൽ ര​ക്താ​ർ​ബു​ദം സ്ഥി​രീ​ക​രി​ച്ചി​രു​ന്നു. ഇ​തി​ന്‍റെ മ​നോ​വി​ഷ​മ​വും അ​തോ​ടൊ​പ്പം ക​ട​ബാ​ധ്യ​ത​യു​മാ​ണ് ഇ​വ​രെ ആ​ത്മ​ഹ​ത്യ​ക്ക്​ പ്രേ​രി​പ്പി​ച്ച​തെ​ന്നാ​ണ് ക​രു​തു​ന്ന​ത്.

സം​ഭ​വ​മ​റി​ഞ്ഞ് കൊ​ല്ലം സി​റ്റി പൊ​ലീ​സ് ക​മീ​ഷ​ണ​ർ കി​ര​ൺ നാ​രാ​യ​ണ​ൻ, അ​സി ക​മീ​ഷ​ണ​ർ എ​സ്. ഷെ​രീ​ഫ്, സ്പെ​ഷ​ൽ ബ്രാ​ഞ്ച് അ​സി. ക​മീ​ഷ​ണ​ർ പ്ര​ദീ​പ് കു​മാ​ർ, ഇ​ര​വി​പു​രം സി.​ഐ രാ​ജീ​വ് എ​ന്നി​വ​ർ സ്ഥ​ല​ത്തെ​ത്തി മേ​ൽ​ന​ട​പ​ടി​ക​ൾ സ്വീ​ക​രി​ച്ച ശേ​ഷം പോ​സ്റ്റ്​​മോ​ർ​ട്ട​ത്തി​നാ​യി മൃ​ത​ദേ​ഹ​ങ്ങ​ൾ പാ​രി​പ്പ​ള്ളി സ​ർ​ക്കാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് മാ​റ്റി.