തിരുവനന്തപുരം :പ്രവാസി സംരംഭകര്ക്കായുളള നോര്ക്ക റൂട്ട്സ്- കാനറാ ബാങ്ക് വായ്പാ മേള 10,11തീയതികളില് നടക്കും. തിരുവനന്തപുരം ,കൊല്ലം ,തൃശൂര് ,പാലക്കാട് ജില്ലകളിലെ പ്രവാസി സംരംഭകര്ക്ക് മേളയില് പങ്കെടുക്കാവുന്നതാണ്. നോര്ക്ക റൂട്ട്സ് വഴി അപേക്ഷിച്ചവര്ക്കു മാത്രമേ വായ്പാ മേളയില് പങ്കെടുക്കാന് അവസരമുണ്ടാകൂ.
വായ്പാ മേളയുടെ സംസ്ഥാനതല ഉദ്ഘാടനം നവംബര് 10 ന് രാവിലെ 10 ന് നോര്ക്ക റൂട്ട്സ് സി.ഇ.ഒ, കെ. ഹരികൃഷ്ണന് നമ്പൂതിരി നിര്വ്വഹിക്കും. തിരുവനന്തപുരത്തെ ചാലയിലെ പവര് ഹൗസ് റോഡില് പ്രവര്ത്തിക്കുന്ന കാനറാ ബാങ്ക് റീജണല് ഓഫീസിലാണ് മേളയും സംസ്ഥാനതല ഉദ്ഘാടനവും നടക്കുക. ചടങ്ങില് കാനറാ ബാങ്ക് ഡി.ജി.എം ശരവണന് എസ്സ് അദ്ധ്യക്ഷത വഹിക്കും.
എൻ.ഡി.പി.ആർ.ഇ.എം പദ്ധതി സംബന്ധിച്ച് നോര്ക്ക റൂട്ട്സ് ജനറല് മാനേജര് അജിത്ത് കോളശ്ശേരി വിശദീകരിക്കും. വായ്പാ മേള നടക്കുന്ന ജില്ലകളിലെ കാനറാ ബാങ്ക് റീജണല് ഓഫീസുകളിലാണ് വായാപാ മേള. രണ്ടു വര്ഷത്തില് കൂടുതല് വിദേശത്തു തൊഴില് ചെയ്തു സ്ഥിരമായി മടങ്ങി വന്നവര്ക്ക് സ്വയംതൊഴില്, ബിസിനസ്സ് സംരംഭങ്ങള് തുടങ്ങുന്നതിനാണ് വായ്പകള് അനുവദിക്കുക.
നോര്ക്ക ഡിപ്പാര്ട്ട്മെന്റ് പ്രൊജക്റ്റ് ഫോര് റീട്ടേണ്ഡ് എമിഗ്രന്സ് പദ്ധതി പ്രകാരമാണ് വായ്പകള്. ഇതുവഴി 15 ശതമാനം മൂലധന സബ്സിഡിയും മൂന്ന് ശതമാനം പലിശ സബ്സിഡിയും സംരംഭകര്ക്ക് ലഭിക്കും. പ്രവാസി സംരംഭകര്ക്കായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന പദ്ധതി സംസ്ഥാനത്തെ 18 ബാങ്കിങ്ങ്, ധനകാര്യസ്ഥാപനങ്ങളുടെ 6000 ത്തോളം ശാഖകള് വഴി ലഭ്യമാണ്.
കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ 1800 425 3939 എന്ന ടോള് ഫ്രീ നമ്പറില് ബന്ധപ്പെടാം. വിവിരങ്ങള് നോര്ക്ക റൂട്ട്സ് വെബ്ബ്സൈറ്റായ www.norkaroots.org യിലും നോര്ക്ക റൂട്ട്സിന്റെ സോഷ്യല് മീഡിയ പേജുകളിലും ലഭ്യമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.