നിപ: യാത്രക്കാരെ തമിഴ്​നാട്​ അതിർത്തിയിൽ തടയുന്നത് തെറ്റ് -മന്ത്രി വീണാ ജോർജ്​

മലപ്പുറം: നിപ രോഗ ബാധയുടെ പേരിൽ സംസ്ഥാനാർത്തികളിൽ കേരളത്തിൽനിന്നുള്ള യാത്രക്കാരെ തമിഴ്​നാട് തടഞ്ഞുവെച്ചു പരിശോധിക്കുന്നത്​ തെറ്റായ കാര്യമെന്ന്​ ആരോഗ്യമന്ത്രി വീണ​ ജോർജ്ജ്​. മലപ്പുറം

കലക്ടറേറ്റിൽ നിപ അവലോകന യോഗത്തിനുശേഷം സംസാരിക്കുകയായിരുന്നു അവർ.

ഇക്കാര്യം ശ്രദ്ധയിൽപ്പെട്ടയുടൻ ആരോഗ്യ സെക്രട്ടറിയുമായി സംസാരിച്ചിട്ടുണ്ട്​. ഇതൊഴിവാക്കാൻ സർക്കാർ, തമിഴ്​നാടുമായി ആശയവിനിമയം നടത്തും. കേരളത്തിൽ റിപ്പോർട്ട്​ ​െചയ്യപ്പെടുന്ന പല അസുഖങ്ങളും

പുറത്തുനിന്നു​ള്ളവർക്കാണ്​. ഇടുക്കിയിൽ റിപ്പോർട്ട്​ ചെയ്ത മലമ്പനികേസുകളിൽ ഒന്നുപോലും കേരളത്തിനിന്നുള്ളവരല്ല. എന്നാൽ, ഇത്തരം സന്ദർഭങ്ങളിൽ കേരളം പുരോഗമനപരമായ സമീപനമാണ്​ എപ്പോഴും കൈകൊണ്ടിട്ടുള്ളതെന്നും ആരോഗ്യ മന്ത്രി ചൂണ്ടിക്കാട്ടി.