ഇവിടെ വിളക്കെരിയും കാലം അകലെയോ...​? അവഗണനയുടെ വക്കിൽ മൺറോ ലൈറ്റ്​ ഹൗസ്

കോ​ട്ട​യം: പ​ള്ളം പ​ഴു​ക്കാ​നി​ല​ക്കാ​യ​ലി​ലെ മ​ൺ​റോ ലൈ​റ്റ്​ ഹൗ​സി​ന്‍റെ ന​വീ​ക​ര​ണ പ്ര​ഖ്യാ​പ​ന​ങ്ങ​ൾ പാ​ഴ്​​വാ​ക്കാ​യി. സി.​എം.​എ​സ്​ പ്ര​വാ​സി മ​ല​യാ​ളി അ​സോ​സി​യേ​ഷ​ൻ, ഗ്രീ​ൻ ഫ്ര​റ്റേ​ണി​റ്റി എ​ന്ന പ​രി​സ്ഥി​തി സം​ഘ​ട​ന എ​ന്നി​വ​രു​ടെ സ​ഹ​ക​ര​ണ​ത്തോ​ടെ​യാ​ണ്​ മ​ൺ​റോ ലൈ​റ്റ്​ ഹൗ​സ്​ ന​വീ​ക​രി​ക്കാ​ൻ പ​ദ്ധ​തി​യി​ട്ടി​രു​ന്ന​ത്. ഒ​രു​വ​ർ​ഷം മു​മ്പ്​ ​​ലൈ​റ്റ്​ ഹൗ​സി​ന്​ പെ​യി​ന്‍റ​ടി​ച്ചും സ​മീ​പ​ത്തെ കാ​ട്​ വെ​ട്ടി​ത്ത​ളി​ച്ച്​ ന​വീ​ക​രി​ച്ചെ​ങ്കി​ലും തു​ട​ർ ന​ട​പ​ടി​യു​ണ്ടാ​യി​ല്ല. ലൈ​റ്റ്​ ഹൗ​സി​ൽ വി​ള​ക്ക്​ തെ​ളി​ക്കാ​ൻ നി​യോ​ഗി​ച്ച ജീ​വ​ന​ക്കാ​ർ​ക്ക്​ നി​ർ​മി​ച്ച കെ​ട്ടി​ടം പൂ​ർ​ണ​മാ​യും ന​ശി​ച്ച നി​ല​യി​ലാ​ണ്.

​​പ​ദ്ധ​തി​യു​ടെ തു​ട​ക്ക​ത്തി​ൽ ഒ​രു​കോ​ടി രൂ​പ​യോ​ള​മാ​ണ്​ ചെ​ല​വ്​ പ്ര​തീ​ക്ഷി​ച്ചി​രു​ന്ന​ത്. ക്ര​മേ​ണ കൂ​ടു​ത​ൽ തു​ക ക​ണ്ടെ​ത്താ​മെ​ന്ന ധാ​ര​ണ​യി​ലാ​യി​രു​ന്നു പ​ദ്ധ​തി​യു​ടെ ആ​സൂ​ത്ര​ക​രാ​യ സി.​എം.​എ​സ്​ പ്ര​വാ​സി മ​ല​യാ​ളി അ​സോ​സി​യേ​ഷ​ൻ. സി.​എം.​എ​സ്​ കോ​ള​ജി​ലെ മു​ൻ ​പ്ര​ഫ​സ​റാ​യി​രു​ന്ന ഡോ. ​ജേ​ക്ക​ബ്​ ജോ​ർ​ജി​ന്‍റെ ചി​ല സു​ഹൃ​ത്തു​ക്ക​ളും ശി​ഷ്യ​രു​മാ​ണ്​ ഇ​തി​ന്​ മു​ൻ​കൈ എ​ടു​ത്ത​ത്. കോ​ള​ജി​ൽ​നി​ന്ന്​ കേ​ട്ട​റി​ഞ്ഞ ച​രി​ത്ര​ത്തി​ന്‍റെ കൗ​തു​ക​ത്തി​ലാ​ണ്​ ഇ​വ​ർ ജോ​ൺ മ​ൺ​റോ​യു​ടെ മ്യൂ​സി​യ​ത്തി​നു​ള്ള പ്രോ​ജ​ക്ടി​നാ​യി മു​ന്നി​ട്ടി​റ​ങ്ങി​യ​ത്.

ലൈ​റ്റ്​ ഹൗ​സി​ന്‍റെ സ​മീ​പം വ​രെ വാ​ഹ​ന​മെ​ത്തു​ന്ന വ​ഴി, വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​നു​ത​കും വി​ധം മ​ൺ​റോ സ്മ​ര​ണ​ക​ളു​മാ​യി ലൈ​റ്റ്​ ഹൗ​സ്​ ഉ​ൾ​പ്പെ​ടു​ന്ന മ്യൂ​സി​യം, നാ​ട​ൻ ഭ​ക്ഷ​ണ​ങ്ങ​ൾ ഉ​ൾ​പ്പെ​ടു​ത്തി​യ ഭ​ക്ഷ​ണ​ശാ​ല, വി​ശ്ര​മ​ശാ​ല, കാ​യ​ലി​ൽ വെ​ള്ളം പൊ​ങ്ങി​യാ​ലും അ​തി​ന​നു​സ​രി​ച്ച് വാ​ട്ട​ർ ലെ​വ​ലി​ൽ ഉ​യ​ർ​ന്നു​വ​രു​ന്ന ഫ്ലോ​ട്ടി​ങ്​ ഹൗ​സ്​ മാ​തൃ​ക​യി​ൽ കെ​യ​ർ​ടേ​ക്ക​റു​ടെ വീ​ട്, പ​ഴു​ക്കാ​നി​ല​ക്കാ​യ​ലി​ലെ മി​നി​ബോ​ട്ട്​ റേ​സ്​ എ​ന്നി​വ പ്രോ​ജ​ക്ടി​ൽ ഉ​ൾ​പ്പെ​ടു​ത്തി​യി​രു​ന്നു.

ടൗ​ണി​ലെ തി​ര​ക്കു​ക​ളി​ൽ​നി​ന്ന്​ മാ​റി കാ​യ​ലി​ന്‍റെ ഭം​ഗി ആ​സ്വ​ദി​ക്കാ​നും ചൂ​ണ്ട​യി​ട​ൽ, ക​യാ​ക്കി​ങ്​ പോ​ലു​ള്ള വി​നോ​ദ​ങ്ങ​ളി​ൽ ഏ​ർ​പ്പെ​ടാ​നാ​കും ഈ ​​പ​ദ്ധ​തി പ്രാ​വ​ർ​ത്തി​ക​മാ​യാ​ൽ. ലൈ​റ്റ്​ ഹൗ​സി​ന്​ പി​ന്നി​ൽ സ്ഥി​തി​ചെ​യ്യു​ന്ന സ്വ​കാ​ര്യ വ്യ​ക്തി​ക​ളു​ടെ ഭൂ​മി അ​വ​രു​ടെ സ​ഹ​ക​ര​ണ​ത്തോ​ടെ ടൂ​റി​സ​ത്തി​നാ​യി വി​ക​സി​പ്പി​ച്ചെ​ടു​ത്താ​ൽ സ​ഞ്ചാ​രി​ക​ൾ​ക്ക്​ എ​ളു​പ്പ​മെ​ത്താ​നാ​വു​ന്ന ഒ​രു ടൂ​റി​സ്റ്റ്​ കേ​ന്ദ്ര​മാ​കും.

ച​രി​ത്രം ഇ​ങ്ങ​നെ

1859ൽ ​ദി​വാ​ൻ ടി. ​മാ​ധ​വ​റാ​വു തി​രു​വി​താം​കൂ​റി​ന്റെ​യും കൊ​ച്ചി​യു​ടെ​യും ദി​വാ​നാ​യി​രു​ന്ന കേ​ണ​ൽ ജോ​ൺ മ​ൺ​റോ​യു​ടെ സ്മ​ര​ണ​ക്കാ​യി കോ​ട്ട​യ​ത്തെ​യും ആ​ല​പ്പു​ഴ​യി​ലെ​യും കാ​യ​ലു​ക​ളി​ൽ കി​ഴ​ക്കു​പ​ടി​ഞ്ഞാ​റാ​യി നേ​ർ​രേ​ഖ​യി​ൽ നി​ർ​മി​ച്ച വി​ള​ക്കു​മ​ര​ങ്ങ​ളി​ൽ ഒ​ന്നാ​ണ്​ പ​ള്ളം പ​ഴു​ക്കാ​നി​ല​യി​ലെ ലൈ​റ്റ്​ ഹൗ​സ്.

ലൈ​റ്റ് ഹൗ​സി​ന്​ മു​ക​ളി​ൽ നി​ന്നാ​ൽ ആ​ല​പ്പു​ഴ ന​ഗ​ര​ത്തി​ലെ പ്ര​കാ​ശം രാ​ത്രി​യി​ൽ കാ​ണാ​മെ​ന്ന്​ പ​റ​യ​പ്പെ​ടു​ന്നു. പ്ര​കാ​ശ​ത്തി​നാ​യി മ​ണ്ണെ​ണ്ണ വി​ള​ക്കാ​യി​രു​ന്നു അ​ക്കാ​ല​ത്ത്​ ഉ​പ​യോ​ഗി​ച്ചി​രു​ന്ന​ത്. വി​ള​ക്കു​മ​ര​ത്തി​ൽ എ​ന്നും സ​ന്ധ്യ​ക്ക് എ​ണ്ണ​യൊ​ഴി​ച്ച് തി​രി​തെ​ളി​ച്ചി​രു​ന്ന​ത് ​സ​ർ​ക്കാ​ർ നി​യോ​ഗി​ച്ച ജീ​വ​ന​ക്കാ​ര​നാ​യി​രു​ന്നു. ആ​ല​പ്പു​ഴ​യി​ൽ​നി​ന്ന് പു​റ​പ്പെ​ട്ട് വേ​മ്പ​നാ​ട്ടു​കാ​യ​ലി​ൽ എ​ത്തു​ന്ന വ​ള്ള​ങ്ങ​ൾ​ക്കും ബോ​ട്ടു​ക​ൾ​ക്കും കോ​ട്ട​യ​ത്തേ​ക്കു​ള്ള വ​ഴി​കാ​ട്ടി​യാ​യി​രു​ന്നു ഈ ​വി​ള​ക്കു​മ​രം. ‘ഇ​ൻ​ലാ​ൻ​ഡ് വാ​ട്ട​ർ​വേ​യ്സ് അ​തോ​റി​റ്റി ഓ​ഫ് ഇ​ന്ത്യ’ കേ​ര​ള​ത്തി​ലെ സം​ര​ക്ഷി​ക്ക​പ്പെ​ടേ​ണ്ട ഏ​ഴ്​ വി​ള​ക്കു​മ​ര​ങ്ങ​ൾ തെ​ര​ഞ്ഞെ​ടു​ത്ത​തി​ൽ പ​ഴു​ക്കാ​നി​ല​യി​ലെ മ​ൺ​റോ ലൈ​റ്റും ഉ​ൾ​പ്പെ​ടു​ത്തി​യി​ട്ടു​ണ്ട്.

നി​ല​വി​ലെ അ​വ​സ്ഥ

നി​ല​വി​ൽ ഇ​ൻ​ലാ​ൻ​ഡ്​ വാ​ട്ട​ർ അ​തോ​റി​റ്റി​ക്കാ​ണ്​ ലൈ​റ്റ്​ ഹൗ​സി​ന്‍റെ പ​രി​പാ​ല​ന ചു​മ​ത​ല. ‘ഗ​വ. മോ​ഡ​ൽ ഫി​ഷ്ഫാ​മി​ന്റെ’ മു​ന്നി​ലെ ഇ​ടു​ങ്ങി​യ വ​ര​മ്പി​ലൂ​ടെ​യും പൊ​ട്ടി​പ്പൊ​ളി​ഞ്ഞ ന​ട​പ്പാ​ല​ത്തി​ലൂ​ടെ​യും 500 മീ​റ്റ​റോ​ളം ന​ട​ന്നു​വേ​ണം ഇ​വി​ടെ​യെ​ത്താ​ൻ. ഇ​തി​ലൂ​ടെ​യു​ള്ള ജ​ല​ഗ​താ​ഗ​തം നി​ന്ന​തോ​ടെ ലൈ​റ്റ്​ ഹൗ​സി​ൽ​നി​ന്നു​ള്ള പ്ര​കാ​ശ​രേ​ഖ​യും അ​സ്ത​മി​ച്ചു.

മു​ക​ളി​ലേ​ക്ക് ക​യ​റാ​നു​ള്ള കോ​ണി​പ്പ​ടി​ക​ൾ ഇ​പ്പോ​ഴും വ​ലി​യ കു​ഴ​പ്പ​മി​ല്ലാ​തെ നി​ൽ​പു​ണ്ട്. കാ​യ​ലും ന​ദി​യും സ​ന്ധി​ക്കു​ന്ന കി​ഴ​ക്കേ​ക്ക​ര​യി​ലാ​ണ്​ വി​ള​ക്കു​മ​രം ത​ല​യു​യ​ർ​ത്തി നി​ൽ​ക്കു​ന്ന​ത്. ജി​ല്ല​യി​ൽ നാ​ഴി​ക​ക്ക​ല്ലാ​യേ​ക്കാ​വു​ന്ന ടൂ​റി​സം പ​ദ്ധ​തി​യാ​ണ്​ ഇ​പ്പോ​ഴും അ​നി​ശ്ചി​ത​ത്വ​ത്തി​ൽ തു​ട​രു​ന്ന​ത്. തി​രു​വി​താം​കൂ​ർ രാ​ജ്യ​ത്തി​ന്റെ​യും കേ​ണ​ൽ ജോ​ൺ മ​ൺ​റോ​യു​ടെ​യും ഗ​ത​കാ​ല പ്ര​താ​പ​ത്തി​ന്റെ ഓ​ർ​മ​ക്കു​റി​പ്പാ​ണ് വി​ള​ക്കെ​രി​യാ​ത്ത ഈ ​വി​ള​ക്കു​മ​രം.