മിഷൻ വിങ്​സ്​ ഒാഫ്​ കംപാഷൻ: ആദ്യ ചാർട്ടർ വിമാനം 30ന്​

ഷാർജ: കോവിഡ്​ പ്രതിസന്ധികാലത്ത്​ നാട്ടിലേക്ക്​ മടങ്ങാൻ വഴിതേടുന്നവർക്കായി കരുതലി​െൻറ വിമാനമുയരുന്നു. പ്രവാസ ഇന്ത്യൻ സമൂഹത്തി​െൻറ മുഖപത്രമായ ഗൾഫ്​ മാധ്യമവും മീഡിയാ വണും ചേർന്ന്​ ആരംഭിച്ച മിഷൻ വിങ്​സ്​ ഒാഫ്​ കംപാഷ​െൻറ ഭാഗമായാണ്​ ഷാർജയിൽനിന്ന്​ കൊച്ചിയിലേക്ക്​ പ്രത്യേക വിമാനം ചാർട്ടർ ചെയ്യുന്നത്​.

എലൈറ്റ്​ ഗ്രൂപ്പ്​ ഒാഫ്​ കമ്പനീസ്​ മാനേജിങ്​ ഡയറക്ടർ ആർ. ഹരികുമാറി​െൻറ പിന്തുണയോടെയാണ്​ ഇത്​ സാധ്യമാക്കുന്നത്​. ജൂൺ 30ന്​ ഉയരുന്ന വിമാനത്തിൽ തികച്ചും അർഹരും അത്യാവശ്യക്കാരുമായ എൺപതിലേറെ പേർ കൊച്ചിയിലേക്ക്​ പുറപ്പെടും. പങ്കുവെപ്പി​െൻറയും സഹാനുഭൂതിയുടെയും നാം പഠിച്ച പാഠങ്ങൾ പ്രയോഗവത്​കരിക്കേണ്ട ഏറ്റവും നിർണായക ഘട്ടമാണിതെന്നും ഗൾഫിലെ ഇന്ത്യൻ ജനതയുടെ ഹൃദയത്തുടിപ്പായ ഗൾഫ്​ മാധ്യമവും മീഡിയവണും ചേർന്നൊരുക്കുന്ന മിഷൻ വിങ്​സ്​ ഒാഫ്​ കംപാഷനുമായി കൈകോർക്കുന്നത്​ ഒരു ദൗത്യനിർവഹണമായി താൻ കരുതുന്നുവെന്നും ആർ. ഹരികുമാർ വിമാന പ്രഖ്യാപന വാർത്തസമ്മേളനത്തിൽ പറഞ്ഞു.

പി.പി.ഇ കിറ്റ്​ ഉൾപ്പെടെ എല്ലാ സുരക്ഷാ മുൻകരുതലുകളും ഒരുക്കിയാണ്​ യാത്രക്കാരെ നാട്ടിലെത്തിക്കുക. എലൈറ്റ്​ ഗ്രൂപ്പ്​ ജീവനക്കാർക്കും അർഹരായ മറ്റു യാ​ത്രക്കാർക്കുമായി കഴിഞ്ഞയാഴ്​ചയും പ്രത്യേക വിമാനം ചാർട്ടർ ചെയ്തിരുന്നു. ഇതിനകം നൂറ്റമ്പതിലേറെ ആളുകളെയാണ്​ യു.എ.ഇയിൽനിന്ന്​ മിഷൻ വിങ്​സ്​ ഒാഫ്​ കംപാഷൻ പദ്ധതിയിൽ നാട്ടിലെത്തിച്ചത്​.

എംബസിയിൽനിന്നും കോൺസുലേറ്റിൽനിന്നും ടിക്കറ്റ്​ ലഭിക്കാൻ താമസിക്കുന്നത്​ പല പ്രവാസികളിലുമുണ്ടാക്കുന്ന പ്രയാസങ്ങളും മാനസിക സംഘർഷങ്ങളും ഗൗരവമായെടുത്താണ്​ യാത്ര വേഗത്തിലാക്കാൻ ചാർ​േട്ടഡ്​ വിമാനം ഒരുക്കുന്നതെന്ന്​ ഗൾഫ്​ മാധ്യമം^മീഡിയ വൺ മിഡിൽ ഇൗസ്​റ്റ്​ ഡയറക്​ടർ മുഹമ്മദ്​ സലീം അമ്പലൻ ചൂണ്ടിക്കാട്ടി. യാത്രക്കാരുടെ പട്ടിക ദേര ട്രാവൽസ്​ ജനറൽ മാനേജർ ടി.പി. സുധീഷ്​ ഏറ്റുവാങ്ങി.

ലോക കേരള സഭാംഗം അഡ്വ. ഹാഷിക്​ തൈക്കണ്ടി, ഗൾഫ്​ മാധ്യമം^മീഡിയവൺ എക്​സിക്യൂട്ടിവ്​ കമ്മിറ്റി ചെയർമാൻ അബ്​ദുസ്സലാം ഒലയാട്ട്​, മീഡിയവൺ മിഡിൽ ഇൗസ്​റ്റ്​ എഡിറ്റോറിയൽ വിഭാഗം മേധാവി എം.സി.എ നാസർ, ഗൾഫ്​ മാധ്യമം മാർക്കറ്റിങ്​ മാനേജർ ജെ.ആർ. ഹാഷിം, ബ്യൂറോചീഫ്​ സവാദ്​ റഹ്​മാൻ, സീനിയർ റിപ്പോർട്ടർ ടി.എ. ഷിഹാബ്​ തുടങ്ങിയവർ സംബന്ധിച്ചു.