മലപ്പുറം: േപാരാട്ടങ്ങളേറെ കണ്ട മലപ്പുറത്തിന് അമ്പതാണ്ട് തികയുന്നതിെൻറ ഭാഗമായി ജില്ലയുടെ വികസനത്തില ും വളര്ച്ചയിലും നിസ്തുല സംഭാവനകള് നല്കിയ 50 വ്യക്തികൾക്കും സ്ഥാപനങ്ങൾക്കും ‘മീഡിയവണി’െൻറ ആദരം. ഞായറാഴ് ച മലപ്പുറം റോസ് ലോഞ്ചിൽ സ്പീക്കർ പി. ശ്രീരാമകൃഷ്ണൻ ചടങ്ങ് ഉദ്ഘാടനം ചെയ്തു.
രാഷ്ട്രീയ നേതാക്കളുടെ വിഭാഗത്തിൽ ഇ.എം.എസ്, സി.എച്ച്. മുഹമ്മദ്കോയ, എം.പി.എം. അഹമ്മദ് കുരിക്കള്, പാണക്കാട് മുഹമ്മദലി ശിഹാബ് തങ്ങള്, ഇ.കെ. ഇമ്പിച്ചിബാവ, കെ.പി. രാമന്, ചാക്കീരി അഹമ്മദ്കുട്ടി, അവുക്കാദര്കുട്ടി നഹ, യു.എ. ബീരാന്, കൊളാടി ഗോവിന്ദന്കുട്ടി എന്നിവർക്കായി കുടുംബാംഗങ്ങൾ ആദരം ഏറ്റുവാങ്ങി. മറ്റു വിഭാഗങ്ങളിൽ ഡോ. പി.കെ. വാര്യർ, എം.ജി.എസ്. നാരായണൻ, ടി.എ. റസാഖ്, സകരിയ്യ മുഹമ്മദ്, വാഴേങ്കട കുഞ്ചുനായർ, ഗോപിനാഥ് മുതുകാട്, ഹംസ തയ്യിൽ, മലപ്പുറം മൊയ്തീൻകുട്ടി, യു. ഷറഫലി, ഇർഫാൻ കൊളത്തുംതൊടി, അനസ് എടത്തൊടിക, ആസിഫ് സഹീർ, ഞെരളത്ത് രാമപ്പൊതുവാൾ, മണമ്പൂർ രാജൻബാബു, രഹ്ന, അൻവർ സാദത്ത്, ഡോ. ഹംസ അഞ്ചുമുക്കിൽ, കരുവള്ളി മുഹമ്മദ് മൗലവി, കെ.വി. റാബിയ, നസ്ലിം നീലേങ്കാടൻ, എം. ഗംഗാധരൻ, കെ.പി. രാമനുണ്ണി എന്നിവരെയാണ് തുടർന്ന് ആദരിച്ചത്. കുടുംബശ്രീ, വിജയഭേരി, പീപ്പിള്സ് ഫൗണ്ടേഷന്, ബൈത്തുറഹ്മ, സിജി, എം.ഇ.എസ്, ഇ.എം.എസ് ആശുപത്രി എന്നിവയും അംഗീകാരത്തിനർഹരായി.
അഞ്ച് സെഷനുകളിലായി നടന്ന പരിപാടിയിൽ എം.എൽ.എമാരായ പി. അബ്ദുൽ ഹമീദ്, പി. ഉബൈദുല്ല, എം. ഉമ്മര്, ജില്ല പഞ്ചായത്ത് പ്രസിഡൻറ് എ.പി. ഉണ്ണികൃഷ്ണൻ, പാണക്കാട് ബഷീറലി ശിഹാബ് തങ്ങള്, കാലിക്കറ്റ് വാഴ്സിറ്റി വൈസ് ചാൻസലർ ഡോ. കെ. മുഹമ്മദ് ബഷീര്, മീഡിയവണ് വൈസ് ചെയര്മാന് പി. മുജീബ്റഹ്മാൻ, ആയുർ മെഡിസിറ്റി സ്ഥാപകരായ സലീം ചോലയിൽ, നിസാമുദ്ദീൻ, െക. അബ്ദുൽ റഷീദ് (എം.ഡി ഫൈബ്രോ ഡ്രീംസ് മാട്രസ്), മുഹമ്മദലി (ചെയർമാൻ, സൂപ്പർനോവ ഫുഡ് പ്രൊഡക്ട്സ്), ഇ.പി. ബഷീർ (എം.ഡി, മദർ കുക്ക് ഹോം അപ്ലയൻസസ്), അൻവർ സാദിഖ് (മാർക്കറ്റിങ് മാനേജർ, ജി ടെക് കമ്പ്യൂട്ടർ എജുക്കേഷൻ), മരിയ ഗ്രൂപ് എം.ഡി ആഷിഖ് മാമു, വൈദ്യേഴ്സ് ആയുർവേദ മാർക്കറ്റിങ് ഇന്ത്യ പ്രൈവറ്റ് ലിമിറ്റഡ് എം.ഡി വിശ്വജിത് വൈദ്യർ, ഡയറക്ടർ വിനോദ് വൈദ്യർ, റോസ് ലോഞ്ച് എം.ഡി പി.െക. കുഞ്ഞാൻ എന്നിവർ സംബന്ധിച്ചു.
മീഡിയവൺ സി.ഇ.ഒ എം. അബ്ദുൽ മജീദ് പരിപാടി വിശദീകരിച്ചു. സി.എൽ. തോമസ് സ്വാഗതം പറഞ്ഞു. മലപ്പുറത്തിെൻറ വര്ത്തമാനങ്ങള് എന്ന തലക്കെട്ടില് വിവിധ സെഷനുകളിലായി മാധ്യമം-മീഡിയവണ് ഗ്രൂപ് എഡിറ്റര് ഒ. അബ്ദുറഹ്മാന്, എഴുത്തുകാരായ കെ.പി. രാമനുണ്ണി, മണമ്പൂർ രാജന്ബാബു, മാധ്യമം എക്സിക്യൂട്ടിവ് എഡിറ്റര് വി.എം. ഇബ്രാഹിം എന്നിവര് സംസാരിച്ചു. മലപ്പുറത്തിെൻറ തനത് കലകളടങ്ങിയ കലാസന്ധ്യയോടെയാണ് ചടങ്ങിന് തിരശ്ശീല വീണത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.