ജസ്റ്റിൻ കുര്യാക്കോസ്
പടിഞ്ഞാറത്തറ: അടച്ചിട്ട വീട്ടിൽനിന്ന് സ്വർണവും പണവും കവർന്ന കേസിലെ പ്രതി പിടിയിൽ. അരമ്പറ്റകുന്ന് സ്വദേശി പനവ്വത്തിൽ വീട്ടിൽ ജസ്റ്റിൻ കുര്യാക്കോസിനെയാണ് പടിഞ്ഞാറത്തറ പൊലീസ് ഇൻസ്പെക്ടർ കെ.എസ്. ജയന്‍റെ നേതൃത്വത്തിൽ പിടികൂടിയത്. പടിഞ്ഞാറത്തറ അരമ്പറ്റകുന്നിലെ തിരുഹൃദയ മന്ദിരം വീട്ടിൽനിന്ന് ഏപ്രിൽ മൂന്നിനാണ് സ്വർണവും പണവും കവർന്നത്. വീട്ടിലെ ഓടിളക്കിക്കയറി രണ്ടര പവൻ സ്വർണവും 20000 രൂപയും 150 ഡോളറും കവരുകയായിരുന്നു.
വീട്ടുടമ ദയയും കുടുംബവും ആശുപത്രി ആവശ്യത്തിനായി ഏപ്രിൽ ഒന്നിന് വീടുപൂട്ടി പോയിരുന്നു. ഇവർ തിരികെയെത്തിയപ്പോഴാണ് മോഷണവിവരം അറിഞ്ഞത്. എസ്.ഐ അബൂബക്കർ, എസ്.പി.ഒമാരായ സുമേഷ്, വീരഭദ്രൻ, സി.പി.ഒമാരായ വിജയൻ, വിപിൻ എന്നിവർ പ്രതിയെ പിടികൂടിയ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.