തിരുവനന്തപുരം: സ്വകാര്യ ലാബുകളിലെ കോവിഡ് പരിശോധനാ നിരക്കുകള്‍ പുതുക്കി നിശ്ചയിച്ചതായി ജില്ല മെഡിക്കല്‍ ഓഫിസര്‍ ഡോ. കെ.എസ്. ഷിനു അറിയിച്ചു. ആര്‍.ടി.പി.സി.ആര്‍ (ഓപണ്‍ സിസ്റ്റം), ട്രൂനാറ്റ് പരിശോധനകള്‍ക്ക് 2100 രൂപയും ജീന്‍ എക്‌സ്‌പർട്ട് പരിശോധനക്ക് 2500 രൂപയുമാണ് പുതിയ നിരക്ക്. ആൻറിജന്‍ ടെസ്റ്റിന് 625 രൂപ നല്‍കിയാല്‍ മതി. സര്‍ക്കാര്‍ നിശ്ചയിച്ച നിരക്കിനെക്കാള്‍ കൂടുതല്‍ തുക ലാബുകള്‍ ഈടാക്കുന്നതായി ശ്രദ്ധയിൽപെട്ടാല്‍ dmohealthtvm@gmail.com എന്ന ഇ-മെയില്‍ വിലാസത്തില്‍ ജില്ലാ മെഡിക്കല്‍ ഓഫിസിനെ അറിയിക്കണമെന്നും അറിയിപ്പില്‍ പറയുന്നു. ഉദ്ഘാടനം ചെയ്തു തിരുവനന്തപുരം: മുഖ്യമന്ത്രിയുടെ പ്രാദേശിക റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി നിര്‍മിച്ച പുളിമാത്ത് പഞ്ചായത്തിലെ പന്തടിക്കളം - അമ്പഴംകുഴി റോഡിൻെറ ഉദ്ഘാടനം, കാട്ടുപുറം - മഹാദേവരുപച്ച റോഡിൻെറ നിര്‍മാണോദ്ഘാടനം എന്നിവ ബി. സത്യന്‍ എം.എല്‍.എ നിര്‍വഹിച്ചു. 20 ലക്ഷം ചെലവഴിച്ചാണ് പന്തടിക്കളം - അമ്പഴംകുഴി റോഡിൻെറ നിര്‍മാണം പൂര്‍ത്തിയാക്കിയത്. കാട്ടുപുറം - മഹാദേവരുപച്ച റോഡിൻെറ നിര്‍മാണത്തിന് എം.എല്‍.എയുടെ ആസ്തിവികസനഫണ്ടില്‍നിന്ന് 25 ലക്ഷം അനുവദിച്ചിട്ടുണ്ട്. ചടങ്ങില്‍ പുളിമാത്ത് പഞ്ചായത്ത് പ്രസിഡൻറ് ബി. വിഷ്ണു അധ്യക്ഷതവഹിച്ചു. ബ്ലോക്ക് പഞ്ചായത്ത് അംഗം കെ. വത്സലകുമാര്‍, ഗ്രാമപഞ്ചായത്ത് അംഗം അജിതകുമാരി, സ്റ്റാൻഡിങ് കമ്മിറ്റി ചെയര്‍മാന്മാര്‍, പഞ്ചായത്ത് മെംബര്‍മാര്‍, ഉദ്യോഗസ്ഥര്‍ എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.