വിഴിഞ്ഞം: ആഴിമല തീരത്തെത്തിയ പുല്ലുവിള സ്വദേശികളായ പത്തംഗ സംഘത്തിലെ നാലുപേരെ കടലിൽ കാണാതായി. പുല്ലുവിള സ്വദേശികളായ ജോൺസൺ ക്ലീറ്റസ് (25), സാബു ജോർജ് (23), മനു നെപ്പോളിയൻ (23), സന്തോഷ് വർഗീസ് (25) എന്നിവരെയാണ് കാണാതായത്. വ്യാഴാഴ്ച വൈകീട്ട് ആറോടെയാണ് അപകടം. പുല്ലുവിള സ്വദേശി ജോൺസൺ ക്ലീറ്റസ് വിദേശത്ത് ജോലി കിട്ടി പോകുന്നതിൻെറ ആഘോഷത്തിൻെറ ഭാഗമായാണ് പത്തംഗസംഘം വൈകീട്ട് നാലോടെ ആഴിമല കടൽതീരത്തെത്തിയതെന്ന് പൊലീസ് പറഞ്ഞു. ഇതിൽ രണ്ടുപേർ ആറുമണിയോടെ കടലിൽ കുളിക്കാനിറങ്ങി തിരയിൽപെട്ടു. ഇവരെ രക്ഷപെടുത്താനായി മറ്റ് മൂന്നുപേർ കടലിലിറങ്ങിയെങ്കിലും എല്ലാവരും തിരയിൽപെട്ടു. ഇതിലൊരാൾ സമീപത്ത് ചൂണ്ട ഇട്ടുകൊണ്ടിരുന്നയാളിൻെറ സഹായത്തോടെ രക്ഷപെട്ട് കരയ്ക്ക് കയറിയെങ്കിലും ജോൺസൺ ക്ലീറ്റസ് അടക്കമുള്ള നാലുപേരെയും കാണാതായി. ഇവർക്കായി തീരദേശ പൊലീസ്, മറൈൻ എൻഫോഴ്സ്മൻെറ് എന്നിവരുടെ നേതൃത്വത്തിൽ തെരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ഏതാനും ദിവസങ്ങളായി കടൽ പ്രക്ഷുബ്ധമാണ്. തെരച്ചിൽ ഇന്നും തുടരുമെന്ന് തീരദേശ പൊലീസ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.