തിരുവനന്തപുരം-നാഗർകോവിൽ ബോണ്ട് സർവിസുമായി കെ.എസ്.ആർ.ടി.സി തിരുവനന്തപുരം: ലോക്ഡൗണ്‍ ഇളവിനെ തുടര്‍ന്ന് കെ.എസ്.ആര്‍.ടി.സി നാഗര്‍കോവിലിലേക്ക് ബോണ്ട് സർവിസുകൾ ആരംഭിക്കുന്നു. പ്രതിദിന യാത്രക്കാരെ ലക്ഷ്യമിട്ടാണ് സർവിസുകൾ. നിശ്ചിത ദിവസത്തേക്ക് ടിക്കറ്റ് മുന്‍കൂട്ടി ബുക്ക് ചെയ്യുന്നവര്‍ക്കുവേണ്ടിയാണിത്. സെന്‍ട്രല്‍ ഡിപ്പോയില്‍നിന്ന് രാവിലെ 5.30 നും വൈകുന്നേരം 5.30നും നാഗര്‍കോവിലിലേക്കുള്ള ബസുകള്‍ പുറപ്പെടും. നാഗര്‍കോവിലിൽനിന്ന് രാവിലെ എട്ടിനും രാത്രി 7.40 നുമാണ് തമ്പാനൂരിലേക്കുള്ള ബസുകൾ. 30 സ്ഥിരം യാത്രക്കാരെ കിട്ടിയാല്‍ ഒരുപാതയില്‍ ബോണ്ട് സര്‍വിസ് തുടങ്ങാനാകും. പ്രതിദിന യാത്രക്കാര്‍ ഏറെയുള്ള നാഗര്‍കോവില്‍ പാതയില്‍ കൂടുതല്‍ ബോണ്ട് സര്‍വിസുകള്‍ ആരംഭിക്കാനാകുമെന്ന പ്രതീക്ഷയിലാണ് കെ.എസ്.ആര്‍.ടി.സി. യാത്രക്കാര്‍ തമിഴ്‌നാട്ടിലേക്ക് പ്രവേശിക്കുന്നതിനുള്ള ഇ-പാസ് എടുക്കണം. ബോണ്ട് സര്‍വിസുകളില്‍ യാത്രക്കാര്‍ക്ക് ഇരുചക്രവാഹന പാര്‍ക്കിങ് സൗകര്യം നല്‍കുന്നുണ്ട്. പതിവ് സ്റ്റോപ്പുകൾ ഇല്ലാത്തതിനാൽ വേഗം ലക്ഷ്യസ്ഥാനത്ത് എത്താനും സാധിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.