(ചിത്രം) കുണ്ടറ: മൺറോതുരുത്തിൽ ഹോം ക്വാറൻറീനിൽ കഴിയുന്നവർക്ക് വള്ള ആംബുലൻസ് ഒരുക്കി ഡി.വൈ.എഫ്.ഐ. കിടപ്രം തെക്ക്, പെരുങ്ങാലം ഭാഗത്തുള്ളവർക്കായാണ് രണ്ട് വള്ളങ്ങൾ ഉപയോഗിച്ച് ജല ആംബുലൻസ് എന്ന ആശയം പ്രാവർത്തികമാക്കിയത്. ഒരു വള്ളം സ്ഥിരമായി ഇതിനായി മാറ്റിയിട്ടു. മറ്റൊന്ന് എൻജിൻ വെച്ച വള്ളം ഉപയോഗിച്ച് പുറത്ത് നിന്ന് വന്നയാളെ ആംബുലൻസ് എത്തിച്ചേരുന്നിടത്ത് അടുപ്പിക്കും. ആദ്യ വള്ളം സാനിറ്റൈസ് ചെയ്ത് വീണ്ടും ഉപയോഗിക്കും. രാജേഷ്, ജിജി, അഡ്വ. ബിന്ദുരാജ് എന്നിവരാണ് നേതൃത്വം നൽകുന്നത്. വാട്ടർബോട്ടിൽ നൽകി ഇളമ്പള്ളൂർ: പ്ലാസ്റ്റിക് ബോട്ടിലുകൾ ഒഴിവാക്കുന്നതിൻെറ ഭാഗമായി ഇളമ്പള്ളൂർ കെ.ജി.വി.ഗവ.യു.പി.സ്കൂളിലെ കുട്ടികൾക്ക് സ്റ്റീൽ വാട്ടർ ബോട്ടിലുകൾ നൽകി. പഞ്ചായത്ത് പ്രസിഡൻറ് ജലജഗോപൻ ഉദ്ഘാടനം ചെയ്തു. പി.ടി.എ പ്രസിഡൻറ് എസ്. സന്തോഷ് അധ്യക്ഷത വഹിച്ചു. ഹെഡ്മിസ്ട്രസ് േഗ്രസി തോമസ്, വിപിൻ, പൂർവ വിദ്യാർഥി സംഘടന പ്രസിഡൻറ് ആർ. തുളസി എന്നിവർ പങ്കെടുത്തു. മുഖത്തല ബ്ലോക്ക് പഞ്ചായത്താണ് ബോട്ടിലുകൾ നൽകിയത്. ഡ്രൈവർ കാബിൻ വേർതിരിക്കണം കരുനാഗപ്പള്ളി: യാത്രക്കാരുമായി സഞ്ചരിക്കുന്ന മുഴുവൻ പൊതുഗതാഗത വാഹനങ്ങളുടെയും (സ്റ്റേജ്, കോൺട്രാക്ട് കാരേജുകൾ, ഓട്ടോ, ടാക്സി കാർ, സ്കൂൾ വാഹനങ്ങൾ എന്നിവ) ഡ്രൈവർ കാബിൻ കോവിഡ് വ്യാപനത്തിൻെറ പശ്ചാത്തലത്തിൽ അക്രിലിക് ഷീറ്റ് ഉപയോഗിച്ച് വേർതിരിക്കണമെന്ന് ജോയൻറ് ആർ.ടി.ഒ എച്ച്. അൻസാരി അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.