കൗ​തു​ക​മാ​യി പ​ള്ളിമു​റ്റ​ത്തെ 'സ്ഥാ​നാ​ർ​ഥി​ സംഗമം'

മാ​ള: ജാ​ക്സേ​ട്ടാ.... എ​തി​രാ​ളി​ക​ളെ പോ​ലും അ​തി​ശ​യി​പ്പി​ച്ച് സു​നി​ൽ​കു​മാ​റിന്‍റെ വി​ളി. കൊ​ടു​ങ്ങ​ല്ലൂ​ർ മ​ണ്ഡ​ലം യു.​ഡി.​എ​ഫ് സ്ഥാ​നാ​ർ​ഥി എം.​പി. ജാ​ക്സ​ണെ​യാ​ണ് എ​ൽ.​ഡി.​എ​ഫ് സ്ഥാ​നാ​ർ​ഥി വി.​ആ​ർ. സു​നി​ൽ​കു​മാ​ർ നീ​ട്ടി വി​ളി​ച്ച​ത്. മ​ണ്ഡ​ല​ത്തി​ലെ മു​ഖ്യ എ​തി​രാ​ളി​ക​ൾ പ​ര​സ്പ​രം കൈ ​കൊ​ടു​ത്ത് ചേ​ർ​ന്നു നി​ന്ന കാ​ഴ്ച ക​ണ്ട് പ​ല​രും കൈ​യ​ടി​ച്ചു.

കൊ​ടു​ങ്ങ​ല്ലൂ​ർ എം.​എ​ൽ.​എ​യും എ​ൽ.​ഡി.​എ​ഫ് സ്ഥാ​നാ​ർ​ഥി​യു​മാ​യ അ​ഡ്വ. വി.​ആ​ർ. സു​നി​ൽ​കു​മാ​ർ തി​ങ്ക​ളാ​ഴ്ച രാ​വി​ലെ കോ​ഴി​ക്കോ​ട് രൂ​പ​ത മെ​ത്രാ​നും മാ​ള പ​ള്ളി​പ്പു​റം ഇ​ട​വ​ക​ക്കാ​ര​നു​മാ​യ ബി​ഷ​പ്പ് ഡോ. ​വ​ർ​ഗീ​സ് ച​ക്കാ​ല​ക്ക​ലി​െൻറ റൂ​ബി ജൂ​ബി​ലി ആ​ഘോ​ഷ​ത്തി​ൽ പ​ങ്കെ​ടു​ക്കാ​ൻ മാ​ള പ​ള്ളി​പ്പു​റം ദേ​വാ​ല​യ​ത്തി​ൽ എ​ത്തി​യ​താ​യി​രു​ന്നു. ഇ​തി​നി​ടെ യു.​ഡി.​എ​ഫ് സ്ഥാ​നാ​ർ​ഥി എം.​പി. ജാ​ക്സ​ണും അ​വി​ടെ എ​ത്തി.

പ​ര​സ്പ​രം കു​ശ​ലാ​ന്വേ​ഷ​ണം ന​ട​ത്തി​യാ​ണ് ഇ​രു​വ​രും പി​രി​ഞ്ഞ​ത്. സൗ​ഹൃ​ദ​ങ്ങ​ൾ​ക്ക് എ​ന്നും വി​ല കൊ​ടു​ക്കു​ന്ന വ്യ​ക്തി​യാ​ണ് സു​നി​ൽ കു​മാ​റെ​ന്ന് ജാ​ക്സ​ൺ പ​റ​ഞ്ഞു. ജാ​ക്സ​ൺ തന്‍റെ ജ്യേ​ഷ്ഠ സ​ഹോ​ദ​ര​ന് തു​ല്യ​മാ​ണെ​ന്ന് സു​നി​ൽ കു​മാ​റും പ്ര​തി​ക​രി​ച്ചു. പ​ള്ളി മു​റ്റ​ത്തെ ഇ​വ​രു​ടെ കൂ​ടി​ക്കാ​ഴ്ച നാ​ട്ടു​കാ​ർ​ക്ക് കൗ​തു​ക കാ​ഴ്ച​യാ​യി.