തൊ​ഴി​ലാ​ളി​ക​ളെ അ​റി​യി​ക്കാ​തെ അ​ട​ച്ചു​പൂ​ട്ടി കരിക്കിനേത്ത് സില്‍ക് ഗലേറിയ

അ​ടൂ​ര്‍: ക​രി​ക്കി​നേ​ത്ത് സി​ല്‍ക് ഗ​ലേ​റി​യ തൊ​ഴി​ലാ​ളി​ക​ളെ അ​റി​യി​ക്കാ​തെ അ​ട​ച്ചു​പൂ​ട്ടി. തി​ങ്ക​ളാ​ഴ്ച രാ​വി​ലെ ജോ​ലി​ക്ക് വ​ന്ന​പ്പോ​ഴാ​ണ്​ ക​ട പൂ​ട്ടി​ക്കി​ട​ക്കു​ന്ന​ത് ക​ണ്ട​തെ​ന്ന്​ തൊ​ഴി​ലാ​ളി​ക​ൾ പ​റ​യു​ന്നു. ശ​മ്പ​ളം കി​ട്ടാ​നു​ണ്ടെ​ന്നും ഇ​വ​ർ പ​റ​യു​ന്നു. ഇ​തോ​ടെ നൂ​റോ​ളം തൊ​ഴി​ലാ​ളി​ക​ള്‍ സ്ഥാ​പ​ന​ത്തി​ന്​ മു​ന്നി​ൽ പ്ര​തി​ഷേ​ധം സം​ഘ​ടി​പ്പി​ച്ചു.

ശ​നി​യാ​ഴ്ച രാ​ത്രി ക​ട​യി​ലു​ണ്ടാ​യി​രു​ന്ന തു​ണി​ത്ത​ര​ങ്ങ​ളും മ​റ്റും മാ​റ്റി​യ​താ​യും ആ​ക്ഷേ​പ​മു​ണ്ട്. ജോ​സ് ക​രി​ക്കി​നേ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ് വ​സ്ത്ര​ശാ​ല​യാ​യ ക​രി​ക്കി​നേ​ത്ത് സി​ല്‍ക് ഗ​ലേ​റി​യ. ജീ​വ​ന​ക്കാ​ർ പൊ​ലീ​സു​മാ​യി ബ​ന്ധ​പ്പെ​ട്ട്​ ഉ​ട​മ​യു​മാ​യി സം​സാ​രി​ക്കാ​ൻ ശ്ര​മി​ച്ചെ​ങ്കി​ലും തൃ​പ്തി​ക​ര​മാ​യ മ​റു​പ​ടി ല​ഭി​ച്ചി​ല്ല. അ​നു​കൂ​ല്യം ല​ഭി​ക്കും​വ​രെ പ്ര​തി​ഷേ​ധം തു​ട​രാ​ണ്​ ജീ​വ​ന​ക്കാ​രു​ടെ തീ​രു​മാ​നം. ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ലാ​യി​രു​ന്നു ക​രി​ക്കി​നേ​ത്ത്​ ഗ്രൂ​പ്. കൊ​ല​പാ​ത​ക​ക്കേ​സി​ലും ഉ​ട​മ​ക​ൾ പ്ര​തി​യാ​യ​തോ​ടെ സ​ഹോ​ദ​ര​സ്ഥാ​പ​ന​ങ്ങ​ൾ നേ​ര​ത്തേ അ​ട​ച്ചു​പൂ​ട്ടി​യി​രു​ന്നു.

വസ്ത്ര നിർമാണ കമ്പനികൾക്ക്​ നൽകാനുള്ളത്​ കോടികൾ

അ​ടൂ​ർ: അ​ട​ച്ചു​പൂ​ട്ടി​യ ക​രി​ക്കി​നേ​ത്ത് സി​ല്‍ക് ഗ​ലേ​റി​യ​യി​ൽ​നി​ന്ന്​ ല​ഭി​ക്കാ​നു​ള്ള​ത്​ കോ​ടി​ക​ളെ​ന്ന്​ വ​സ്ത്ര നി​ർ​മാ​ണ-​വി​ത​ര​ണ ക​മ്പ​നി​ക​ൾ. മും​ബൈ, ബം​ഗ​ളൂ​രു, കോ​യ​മ്പ​ത്തൂ​ർ, സൂ​റ​ത്ത്, അ​ഹ്മ​ദാ​ബാ​ദ് എ​ന്നി​വി​ട​ങ്ങ​ളി​ലെ വി​വി​ധ വ​സ്ത്ര​നി​ർ​മാ​ണ യൂ​നി​റ്റു​ക​ൾ​ക്കും ഏ​ജ​ൻ​സി​ക​ളു​മാ​ണ്​ പ​ണം ല​ഭി​ക്കാ​നു​ള്ള​ത്. വി​വി​ധ ബ്രാ​ൻ​ഡ​ഡ്​ ക​മ്പ​നി​ക​ൾ​ക്കും പ​ണം ന​ഷ്ട​മാ​യി​ട്ടു​ണ്ട്. ഇ​തി​നു​പു​റ​മെ, സം​സ്ഥാ​ന​ത്തെ വി​വി​ധ ഏ​ജ​ൻ​സി​ക​ൾ​ക്കും പ​ണം ല​ഭി​ക്കാ​നു​ണ്ട്.

മൊ​ത്തം 30 കോ​ടി​യോ​ളം രൂ​പ വി​വി​ധ ക​മ്പ​നി​ക​ൾ​ക്കും ചെ​റു​കി​ട യൂ​നി​റ്റു​ക​ൾ​ക്കു​മാ​യി ല​ഭി​ക്കാ​നു​ണ്ടെ​ന്നാ​ണ്​ കേ​ര​ള ടെ​ക്സ്​​റ്റൈ​ൽ​സ്​ ആ​ൻ​ഡ്​ ഗാ​ർ​മെ​ന്‍റ്​​സ്​ അ​സോ​സി​യേ​ഷ​ന്‍റെ പ്രാ​ഥ​മി​ക ക​ണ​ക്ക്. ഷ​ർ​ട്ട്, സാ​രി അ​ട​ക്ക​മു​ള്ള ന​ൽ​കി​യ​ശേ​ഷം ഗ​ഡു​ക്ക​ളാ​യി​ട്ടാ​ണ്​ വ​സ്ത്ര​ശാ​ല​ക​ളി​ൽ​നി​ന്ന്​ പ​ണം ഈ​ടാ​ക്കു​ന്ന​ത്. ഇ​ത്ത​ര​ത്തി​ൽ ക​ഴി​ഞ്ഞ ര​ണ്ട്​ വ​ർ​ഷ​ത്തി​നി​ടെ ന​ൽ​കി​യ വ​സ്ത്ര​ങ്ങ​ളു​ടെ തു​ക​വ​രെ പ​ല​ർ​ക്കും കൂ​ടി​ശ്ശി​ക​യു​ണ്ടാ​യി​രു​ന്നു​​വെ​ന്ന്​ അ​സോ​സി​യേ​ഷ​ൻ ഭാ​ര​വാ​ഹി​ക​ൾ പ​റ​യു​ന്നു.

കൃ​ത്യ​മാ​യ ആ​സൂ​ത്ര​ണ​ത്തോ​ടെ​യാ​ണ്​ ക​ട പൂ​ട്ടി​യ​ത്. സം​ശ​യ​ങ്ങ​ൾ​ക്കൊ​ന്നും ഇ​ട​ന​ൽ​കാ​തെ ത​ന്ത്ര​പ​ര​മാ​യി​ട്ടാ​യി​രു​ന്നു ഉ​ട​മ മു​ങ്ങി​യ​ത്. നി​ല​വി​ലു​ള്ള സ്​​റ്റോ​ക്ക്​ ര​ണ്ട്​ കോ​ടി​യോ​ളം രൂ​പ​ക്ക്​ ​ മ​റി​ച്ചു​വി​റ്റെ​ന്ന സൂ​ച​ന​യു​മു​ണ്ടെ​ന്ന്​ ഇ​വ​ർ പ​റ​ഞ്ഞു. മ​റി​ച്ചു​വി​റ്റ സാ​ധ​ന​ങ്ങ​ൾ ക​ണ്ടെ​ത്താ​ൻ പൊ​ലീ​സ്​ അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നും അ​സോ​സി​യേ​ഷ​ൻ ആ​വ​ശ്യ​പ്പെ​ട്ടു. ഇ​വ​ർ അ​ടു​ത്ത ദി​വ​സം പൊ​ലീ​സി​ലും പ​രാ​തി ന​ൽ​കും.