വനിതകൾക്ക് സൗജന്യ തൊഴിൽ പരിശീലനം: അപേക്ഷ ക്ഷണിച്ചു മക്കരപ്പറമ്പ്: കിഡ്സ് കെയർ മാനുഫാക്ചറിങ് രംഗത്ത് കഴിഞ്ഞ 15 വർഷമായി വിജയകരമായി പ്രവർത്തിക്കുന്ന സൗത്ത് ഇന്ത്യയിലെ പ്രമുഖ ബ്രാൻഡായ 'ഹാപ്പി കിഡ്' ഗ്രൂപ്പ് വനിതകൾക്കായി സൗജന്യ തൊഴിൽ പരിശീലന പദ്ധതി പ്രഖ്യാപിച്ചു. കൊറോണ കാല അതിജീവന പദ്ധതികളായ 'അമ്മയും കുഞ്ഞും', 'സുരക്ഷിത കേരളം - സന്തോഷ സമൂഹം' എന്നീ വിജയകരമായ കാമ്പയിനുകൾക്കു ശേഷം ഹാപ്പികിഡ് അവരുടെ കോർപറേറ്റ് റെസ്പോൺസിബിലിറ്റിയുടെ ഭാഗമായാണ് വനിതകൾക്ക് സൗജന്യ തയ്യൽ പരിശീലനം നൽകുന്നത്. കുഞ്ഞുടുപ്പുകൾ, മാസ്ക്, മറ്റു ഹാപ്പികിഡ് ഉൽപന്നങ്ങൾ എന്നിവ നിർമിക്കുന്നതിനുള്ള പരിശീലനമാണ് നൽകുന്നത്. മൂന്ന് മാസമായിരിക്കും പരിശീലന കാലാവധി. താൽപര്യമുള്ള മങ്കട മണ്ഡലത്തിലെ വനിതകളിൽനിന്ന് അപേക്ഷകൾ ക്ഷണിക്കുന്നു. അപേക്ഷകർ അടിസ്ഥാന നൈപുണ്യം ഉള്ളവരായിരിക്കണം. ഫോൺ: 9656101105
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.