കോട്ടക്കൽ: ബി.ജെ.പി ദേശീയ ഉപാധ്യക്ഷൻ എ.പി. അബ്ദുല്ലക്കുട്ടി സഞ്ചരിച്ച കാർ അപകടത്തിൽപെട്ടു. ദേശീയപാത കോട്ടക്കൽ രണ്ടത്താണിയിൽ രാത്രി 11ഓടെയാണ് സംഭവം. എറണാകുളത്തുനിന്ന് കണ്ണൂരിലേക്ക് പോകുന്നതിനിടെ അബ്ദുല്ലക്കുട്ടിയുടെ കാറിന് പിറകിൽ ടോറസ് ലോറി ഇടിക്കുകയായിരുന്നു. ഇതോടെ മുന്നിലുണ്ടായിരുന്ന വാഹനത്തിൽ കാർ ഇടിച്ചു. അതേസമയം, ലോറിയിടിപ്പിച്ച് തന്നെ അപകടപ്പെടുത്താൻ ശ്രമിച്ചതായി അബ്ദുല്ലക്കുട്ടി ആരോപിച്ചു. യാത്രക്കിടെ ചായ കുടിക്കാൻ ഇറങ്ങിയ പൊന്നാനി വെളിയങ്കോട് വെച്ച് അപമാനിക്കാൻ ശ്രമം നടന്നെന്നും അദ്ദേഹം പറഞ്ഞു. പരിക്കുകളൊന്നും ഇല്ലാത്തതിനാൽ മറ്റൊരു വാഹനത്തിലാണ് കോഴിക്കോട്ടേക്ക് തിരിച്ചത്. അബ്ദുല്ലക്കുട്ടിയുടെ ഡ്രൈവറുടെ പരാതിയിൽ അന്വേഷണം ആരംഭിച്ചതായി കാടാമ്പുഴ എസ്.ഐ കെ.എൻ. മനോജ് പറഞ്ഞു. മൂന്നു വാഹനങ്ങളും സ്റ്റേഷനിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.