ചെർപ്പുളശ്ശേരി: നഗരസഭയിലെ മൂന്നാം വാർഡായ ഹെൽത്ത് സൻെറർ ഇനി സമ്പൂർണ തുണിസഞ്ചി വാർഡ്. തൂത തണൽ പരിസ്ഥിതി കൂട്ടായ്മയുടെ ഹരിതഗ്രാമം പ്രവർത്തനങ്ങളുടെ ഭാഗമായാണ് മൂന്നാം വാർഡിലെ മുഴുവൻ വീടുകളിലേക്കും ആവശ്യമായ തുണിസഞ്ചികൾ സൗജന്യമായി നൽകിയത്. തണൽ പരിസ്ഥിതി കൂട്ടായ്മ കൺവീനർ എൻ. അച്യുതാനന്ദനിൽനിന്ന് തുണിസഞ്ചി സ്വീകരിച്ച് വാർഡ് കൗൺസിലർ കെ.ടി. പ്രമീള ഉദ്ഘാടനം നിർവഹിച്ചു. തണൽ കൺവീനർ എൻ. അച്യുതാനന്ദൻ, നഗരസഭ അംഗം എം.പി. സുജിത്, ഹെൽത്ത് നഴ്സ് പിങ്കി, കെ. ലത്തീഫ് എന്നിവർ സംസാരിച്ചു. ----------------------------------------------------- ആശുപത്രിക്ക് പൾസ് ഓക്സിമീറ്റർ നൽകി ചെർപ്പുളശ്ശേരി: ചെർപ്പുളശ്ശേരി റോട്ടറി ക്ലബും കെ.ടി.എൻ മെഡിക്കൽ ഹാളും സംയുക്തമായി ചെർപ്പുളശ്ശേരി ഗവ. ആശുപത്രിയിൽ വരുന്ന രോഗികളിൽ കോവിഡ് ലക്ഷണമുള്ളവരെ പരിശോധിച്ച് കണ്ടെത്താനുള്ള പൾസ് ഓക്സിമീറ്റർ സംഭാവന ചെയ്തു. റോട്ടറി ക്ലബ് സെക്രട്ടറി ഡോ. ശ്രീകാന്തിൽനിന്ന് മെഡിക്കൽ ഓഫിസർ ഡോ. ഷരീഫ് ഉപകരണം ഏറ്റുവാങ്ങി. ഹെൽത്ത് ഇൻസ്പെക്ടർ സുരേഷ്, പി. പ്രേംകൃഷ്ണൻ, അമിത് കരിയപ്പാടത്ത് എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.