പൊന്നാനിയിലെ കോവിഡ്: അതിർത്തികളിലെ ഗ്രാമപഞ്ചായത്ത് റോഡുകൾ അടച്ചു പഴഞ്ഞി: മലപ്പുറം ജില്ലയിലെ പൊന്നാനി താലൂക്ക് മേഖലയിൽ കോവിഡ് 19 വ്യാപനം ശക്തമായതോടെ അയൽ ജില്ലയിൽ നിന്നും തൃശ്ശൂര് ജില്ലയിലേക്ക് പ്രവേശിക്കുന്ന ഗ്രാമപഞ്ചായത്തിലെ റോഡുകള് പോലീസ് ബാരിക്കേഡുകള് ഉപയോഗിച്ച് അടച്ചു പൂട്ടി. മലപ്പുറം ജില്ലയിലേക്ക് എളുപ്പത്തിൽ പോകാവുന്ന പ്രധാന റോഡായ ഐന്നൂർ-ഒതളൂർ, സ്രായില്ക്കടവ്, പെരുന്തുരുത്തി പുളിക്കകടവ്, അമ്പലക്കടവ് റോഡുകളാണ് കുന്നംകുളം സി.ഐ കെ.ജി സുരേഷ്, എസ്.ഐ ഇ. ബാബു തുടങ്ങിയവരുടെ നേതൃത്വത്തിലുള്ള പൊലീസ് സംഘം അടച്ചത്. ഈ മേഖലകളിലൂടെയുള്ള ഗതാഗതം പൂര്ണമായും നിരോധിച്ചു. അടച്ച റോഡുകളില് പരിശോധനകളും നടക്കുന്നുണ്ട്. സ്രയില്ക്കടവില് ചങ്ങരകുളം പൊലീസിൻെറ നേതൃത്വത്തിലും പരിശോധനകള് നടക്കുന്നുണ്ട്. അതിര്ത്തി പ്രദേശങ്ങളില് ജാഗ്രത നിര്ദേശം ഉണ്ടായതോടെയാണ് റോഡുകളടച്ച് കര്ശന പരിശോധന നടത്തുന്നതെന്ന് പൊലീസ് പറഞ്ഞു. സംസ്ഥാന പാതയിലെ അതിർത്തി പങ്കിടുന്ന കടവല്ലൂരിൽ പരിശോധനക്ക് ശേഷമാണ് വാഹനങ്ങൾ കടത്തിവിടുന്നത്. പടം tc kunnamkulam police കുന്നംകുളം പൊലീസിൻെറ നേതൃത്വത്തിൽ റോഡുകൾ ബാരിക്കേഡ് ഉപയോഗിച്ച് അടച്ച് പൂട്ടുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.