മലപ്പുറം: മഞ്ചേരി മുൻസിഫ്‌ കോടതി സ്ഥലപരിശോധക്ക്‌ നിയമിച്ച അഭിഭാഷക കമീഷനെ തടഞ്ഞ കേസിൽ പ്രതികളുടെ ജാമ്യാപേക്ഷ ഹൈകോടതി തള്ളി. മലപ്പുറം വാറേങ്കാടുള്ള സിവിൽ കേസിലുൾപ്പെട്ട സ്ഥലം പരിശോധിക്കാനെത്തിയ അഡ്വ. കെ. വർഷയുടെ നേതൃത്വത്തിലുള്ള സംഘത്തെ തടഞ്ഞ സംഭവത്തിലാണ് പ്രതികളുടെ ജാമ്യാപേക്ഷ കോടതി തള്ളിയത്. കേസിൽ ഒന്നും മൂന്നും പ്രതികളായ മലപ്പുറം സ്വദേശികളായ ഇ. ഹനീഫ, മുഹമ്മദ് അഷ്റഫ് എന്നിവരുെട ജാമ്യാപേക്ഷയാണ് തള്ളിയത്. സ്ഥല പരിശോധന നടത്താൻ അനുവദിക്കാതെ കമീഷനെ അസഭ്യം പറയുകയും ഔദ്യോഗിക കൃത്യനിർവഹണം തടസ്സപ്പെടുത്തിയെന്നുമാണ് കേസ്. ഇരുവരോടും അന്വേഷണ ഉദ്യോഗസ്ഥർക്ക് മുമ്പാകെ കീഴടങ്ങാനും തുടർന്ന് കോടതിയിൽ ഹാജരാകാനുമാണ് നിർദേശം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.