മലപ്പുറം: പ്രള‍യബാധിതർക്ക് എത്തിച്ചുകൊടുക്കാൻ കുടുംബശ്രീ അയൽക്കൂട്ടങ്ങളിൽ എത്തിച്ച ലക്ഷക്കണക്കിന് രൂപ വിലപിടിപ്പുള്ള ഉപകരണങ്ങൾ അർഹർക്ക് നൽകാതെ കൂട്ടിയിട്ട സംഭവത്തിൽ ജില്ല മിഷൻ കോഓഡിനേറ്ററെ സസ്പെൻഡ് ചെയ്ത് അന്വേഷണം നടത്തണമെന്ന് ആവശ്യപ്പെട്ട് യു.ഡി.എഫ് വനിത ജനപ്രതിനിധികൾ ജില്ല മിഷൻ ഓഫിസിലേക്ക് മാർച്ചും ധർണയും നടത്തി. ജില്ല പഞ്ചായത്ത് പ്രസിഡൻറ് എ.പി. ഉണ്ണികൃഷ്ണൻ ഉദ്ഘാടനം ചെയ്തു. വൈസ് പ്രസിഡൻറ് സക്കീന പുൽപ്പാടൻ അധ്യക്ഷത വഹിച്ചു. സ്റ്റാൻഡിങ് കമ്മിറ്റി അധ്യക്ഷൻ ഉമ്മർ അറക്കൽ, മലപ്പുറം ബ്ലോക്ക് പഞ്ചായത്ത് പ്രസിഡൻറ് കെ. സലീന, ബീഫാത്തിമ, സി.എച്ച്. സൈനബ, സഫിയ മന്നത്തൊടി, രമാദേവി, ശോഭ സത്യൻ, ഫസീന, സക്കീന, സജ്ന ആമിയൻ, റിനിഷ, സൈനബ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.