കല്ലടിക്കോട്: ഓൾ കേരള ലൈസൻസ്ഡ് വയർമെൻസ് അസോസിയേഷൻ സുവർണ ജൂബിലി ആഘോഷവുമായി ബന്ധപ്പെട്ട് കരിമ്പയിൽ രണ്ട് വീടുകൾ വയറിങ് ചെയ്ത് വെളിച്ചമെത്തിച്ചു. ജില്ലയിൽ ആകെ ഏഴ് വീടുകൾ ഇവർ സൗജന്യമായി വൈദ്യുതീകരിച്ചു. കരിമ്പ പഞ്ചായത്തിലെ പനയമ്പാടത്ത് അങ്ങാടിക്കാട് നാസറിൻെറയും ഏഴാം വാർഡിൽ ചൂരക്കോട് പള്ളിയാലിൽ വീട്ടിൽ മണികണ്ഠൻെറയും നിർധന കുടുംബത്തിനാണ് ലൈസൻസ്ഡ് വയർമെൻസ് അസോസിയേഷൻസ് കല്ലടിക്കോട് യൂനിറ്റ് വയറിങ് പൂർത്തിയാക്കിക്കൊടുത്തത്. ഏറെ പ്രതിസന്ധികൾ നിലനിൽക്കുമ്പോഴും മാതൃകപരമായ പ്രവൃത്തി നടത്തിയ വയർെമൻസ് അസോസിയേഷൻ അംഗങ്ങളെ പഞ്ചായത്ത് പ്രസിഡൻറ് സി.കെ. ജയശ്രീ അഭിനന്ദിച്ചു. അസോസിയേഷൻ യൂനിറ്റ് പ്രസിഡൻറ് എൻ.എം. അബ്ദുൽനാസറും പത്തോളം വരുന്ന അംഗങ്ങളുമാണ് ഒരു ദിവസംകൊണ്ട് സൗജന്യമായി വയറിങ് ജോലികൾ പൂർത്തിയാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.