തിരൂർ: പണം കടം കൊടുക്കാത്തതിന് കത്രിക കൊണ്ട് കുത്തിപ്പിരിക്കേൽപിച്ച കേസിൽ യുവാവ് അറസ്റ്റിൽ. ആലത്തിയൂർ കറുത്തേടത്ത് സുൽഫീക്കറിനെയാണ് (32) തിരൂർ പൊലീസ് അറസ്റ്റ് ചെയ്തത്. കഴിഞ്ഞദിവസം ആലത്തിയൂരിൽവെച്ചാണ് കേസിനാസ്പദമായ സംഭവം.
തൃപങ്ങോട് സ്വദേശി മുഹമ്മദ് കുട്ടിയോട് പണം കടം ചോദിച്ചപ്പോൾ കൊടുക്കാത്ത വിരോധം മൂലം പ്രതി കൈയിലുണ്ടായിരുന്ന കത്രിക കൊണ്ട് മുഹമ്മദ് കുട്ടിയുടെ കഴുത്തിലും ഇടതുചെവിയുടെ ഭാഗത്തും വലതു തോളിലും കുത്തുകയായിരുന്നു. സാരമായി പരിക്കേറ്റ മുഹമ്മദ് കുട്ടി ചികിത്സയിലാണ്. തുടർന്ന് പരാതിയിൽ കേസെടുത്ത തിരൂർ പൊലീസ് സുൽഫിക്കറിനെ അറസ്റ്റ് ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.